Maharashtra Election 2024: राज्याचा पुढचा मुख्यमंत्री कोण? निकालाआधीच MVA आणि महायुतीच्या नेत्यांची नावं समोर

महाविकास आघाडीत काँग्रेस, शिवसेना (उद्धव ठाकरे), एनसपी (शरद पवार) यांचा समावेश आहे. तर महायुतीत भाजप, शिवसेना (शिंदे गट) आणि एनसीपी (अजित पवार) गटाचा समावेश आहे. राज्यात आमचंच सरकार स्थापन होईल, असा दावा या दोन्ही आघाड्यांनी केला आहे. महायुती सत्तेत येईल, असा अंदात अनेक एक्झिट पोलमध्ये वर्तवण्यात आला आहे. महायुतीकडून शिवसेनेचे प्रवक्ता संजय शिरसाट यांनी म्हटलं की, एकनाथ शिंदे यांच्या नेतृत्त्वात विधानसभा निवडणूक लढवली आहे. मतदारांनी एकनाथ शिंदे यांना पसंती दर्शवली आहे. एकनाथ शिंदे मुख्यमंत्री व्हावेत, त्यांचा पूर्ण हक्क आहे, असं मला वाटतं. आम्हाला विश्वास आहे की, ते राज्याचे पुढचे मुख्यमंत्री होतील. 

हे ही वाचा >> Today Gold Rate: निवडणुकीच्या निकालाआधीच सोनं गडगडलं! मुंबईसह 'या' शहरांमध्ये सोन्याचा भाव काय?

भाजप नेते प्रवीण दरेकरांनी मुख्यमंत्रीपदासाठी उपमुख्यमंत्री देवेंद्र फडणवीसांच्या नावाची घोषणा केलीय. दरेकर म्हणाले, "भाजपकडून कोणी मुख्यमंत्री होऊ शकतो, तर ते देवेंद्र फडणवीस आहेत", असं मला वाटतं. पुढचं सरकार हे महायुतीचं असणार आहे. महाविकास आघाडीत अंतर्गत वादविवाद सुरु आहेत. महायुतीचाच मुख्यमंत्री होईल. राष्ट्रवादीचे नेते अमोल मिटकरी यांनीही मुख्यमंत्रीपदाच्या चेहऱ्यासाठी अजित पवारांच्या नावावर जोर दिला आहे. मिटकरी म्हणाले, निवडणुकीचा निकाल काहीही असो, राष्ट्रवादी किंगमेकरच्या भूमिकेत असेल. मुख्यमंत्रीपदाच्या चेहऱ्याबाबत फडणवीसांनी म्हटलं, महायुतीत असलेले तिनही पक्ष एकत्र बसतील आणि यावर निर्णय घेतील.

हे ही वाचा >> Maharashtra Assembly Election 2024 Live : मविआ किमान 160 जागा जिंकेल! संजय राऊतांचं मोठं विधान