अभिनेता जॉन अब्राहम आणि त्याच्या पत्नीला झाली कोरोनाची लागण

जॉन अब्राहमने सोमवारी इन्स्टाग्रामवर स्टोरीच्या माध्यमातून चाहत्यांना याची माहिती दिली. त्याने म्हटलं की, कोरोनाची लागण झाली असून रिपोर्ट पॉझिटिव्ह आला आहे. त्याच्यासह पत्नीसुद्धा कोरोना पॉझिटिव्ह आहे. तीन दिवसांपूर्वी एका व्यक्तीच्या संपर्कात आलो होते. संबंधित व्यक्तीला कोरोना झाल्याचं नंतर समजलं. तेव्हा आम्ही चाचणी केली आणि त्यात दोघांची टेस्ट पॉझिटिव्ह आली आहे. आम्ही सध्या घरीच क्वारंटाइन असून कोणाच्याही संपर्कात नाही. दोघांनीही लस घेतली होती, सध्या सौम्य लक्षणे असून तुम्ही काळजी घ्या आणि मास्क घाला असंही आवाहन जॉन अब्राहमने केलं आहे.