अहमदनगर : सैन्य भरतीच्या नावाखाली पैसे उकळणाऱ्याला तोतयाला अटक

सैन्यात दाखल होण्याची इच्छा असलेल्या तरुणांना कधी मी सुभेदार पदावर कार्यरत आहे तर कधी कॅप्टन-कर्नल म्हणून असल्याचं दाखवायचा. आपली छाप पडावी यासाठी नवनाथने सोबत रिव्हॉल्वर आणि लष्करी युनिफॉर्मही बाळगला होता.

संतापजनक! शिवसेना आमदाराकडून महिलेला रस्त्यावरच लाथाबुक्क्यांनी बेदम मारहाण

नवनाथने याच जोरावर काही दिवसांपूर्वी इंजिनीअर मुलीशी दोन वर्षांपूर्वी लग्न केल्याचं समोर आलं आहे. परंतू गुप्तचर विभागाने अहमदनगर पोलिसांच्या मदतीने या तोतया अधिकाऱ्याच्या मुसक्या आवळल्या आहेत. लक्ष्मीकांत दिवे यांनी या प्रकरणात राहुरी पोलीस ठाण्यात गुन्हा दाखल केला होता.

खूब लड़ी मर्दानी! धावत्या गाडीत मुलीवर लैंगिक अत्याचार, आईने १२ तास आरोपीला ठेवलं पकडून

तक्रारदार लक्ष्मीकांत दिवे हे राहुरी येथे कामानिमीत्त गेले असता त्याची नवनाथसोबत ओळख झाली. आपण लष्करात अधिकारी असल्याचं सांगून नवनाथने लष्करात भरती करुन घेण्याचं आमिष दाखवलं. यासाठी सर्वात आधी नवनाथने दीड लाखांची मागणी केली. लक्ष्मीकांत यांनीही २०१९ साली विश्वास ठेवत नवनाथला पैसे दिले. पैसे मिळाल्यानंतर नवनाथने तुझं काम २०२० पर्यंत होईल असं आश्वासन देत २०२० मध्ये आणखी दोन लाखांची गरज लागेल असं सांगितलं.

पुढच्या काही काळात लक्ष्मीकांतचा विश्वास संपादन करत नवनाथने हे न ते कारण देत त्याच्याकडून जवळपास ८ लाखांची रक्कम उकळली. एवढा पैसा देऊनही आपलं काम होत नसल्याचं लक्षात येताच लक्ष्मीकांतने आपल्या मित्रांकरवी चौकशी केली असता त्याला नवनाथचं खरं रुप लक्षात आलं. ज्यानंतर त्याने राहुरी पोलीस ठाण्यात तक्रार दाखल केली. ज्यानंतर नवनाथला अटक करण्यात आली असून त्याच्याजवळ बनावट आयडी कार्ड आणि लष्कराचा गणवेश ताब्यात घेण्यात आला आहे. त्याने अशा पद्धतीने आणखी किती तरुणांना फसवलंय याचा शोध घेतला जात आहे.

वाढदिवसाचा केक कापताना पतीशी वाद,
सकाळी गळफास घेऊन पत्नीची आत्महत्या