Sambhajinagar : शिंदेंच्या शिवसेनेच्या पदाधिकाऱ्याची पोलिसांना धक्काबुक्की, हॉटेल चालकाला मारहाण

रात्री उशिरा नेत्याचा मुलगा जेवण्यासाठी दौलताबाद रोडवरील ढाब्यावर पोहोचला होता. पण रात्रीचे 12 वाजले असल्याने ढाबा बंद होता. त्यामुळे जेवण नाकारल्यामुळे वाद झाल्याचा प्राथमिक अंदाज आहे.

Mumbai Tak

मुंबई तक

11 Feb 2025 (अपडेटेड: 11 Feb 2025, 01:05 PM)

follow google news

बातम्या हायलाइट

point

शिंदेंच्या शिवसेनेच्या नेत्याच्या मुलाची पोलिसांना मारहाण?

point

छत्रपती संभाजीनगरमध्ये घडलेला प्रकार CCTV मध्ये कैद

point

हॉटेल चालकाला आणि पोलिसांना धक्काबुक्की

Sambhajinagar News : शिवसेना शिंदे गटाच्या नेत्याच्या मुलाने छत्रपती संभाजीनगरमध्ये पोलिसांना मारहाण केल्याची माहिती समोर आली आहे. ही संपूर्ण घटना सीसीटीव्हीमध्ये कैद झाली असून, या घटनेनंतर आता पोलिसांकडून काय कारवाई होणार हे पाहणं महत्वाचं असणार आहे.  ( Eknath Shinde Shiv Sena Leader Son Beat Police and Hotel Manager in Sambhajinagar)

हे वाचलं का?

कशी घडली घटना?

नेत्याचा मुलगा रात्री उशिरा जेवण्यासाठी दौलताबाद रोडवरील ढाब्यावर पोहोचला होता. पण रात्रीचे 12 वाजले असल्याने ढाबा बंद होता. तरुण शिवसेना पदाधिकाऱ्यानं  ढाब्यावर असलेल्या मॅनेजरला जेवण द्यायला सांगितलं. पण मॅनेजरने ढाबा बंद असल्याचं सांगितलं. त्यानंतर शिवसेना पदाधिकाऱ्यानं बाहेरून ढाब्यावर काम करणाऱ्या लोकांना शिवीगाळ केली आणि काही लोकांना तिथे बोलवून घेतलं. ढाब्यावर काम करणाऱ्या लोकांनी त्यानंतर तिथे पोलिसांना बोलवून घेतलं. पोलीस उपनिरीक्षक आणि दोन हवालदार तिथे काही वेळातच दाखल झाले. यावेळी, पोलीस उपनिरीक्षक आणि हवालदार ढाब्याबाहेर उभ्या असलेल्या तरुणांना समज देण्याचा प्रयत्न केला, पण तरुणांनी ढाब्यात घुसण्याचा करण्याचा प्रयत्न केला.पोलिसांनी या तरूणांना रोखण्याचा प्रयत्न केला, तेव्हा तरूण पोलिसांना ढकलून ढाब्यात घुसले आणि कर्मचाऱ्यांशी धक्काबुक्की केली. 

हे ही वाचा >> Tanaji Sawant Son : सावंतांचा लेक कुठून उडाला कुठे लँड झाला? नाट्यमय घटनेचा घटनाक्रम 10 मुद्द्यांमध्ये

यादरम्यान, पोलीस तरुणांना भांडण्यापासून रोखण्याचा प्रयत्न करत असताना काही तरुणांनी थेट पोलिसांनाच धक्काबुक्की केली. ही संपूर्ण घटना तिथे असलेल्या सीसीटीव्ही कॅमेऱ्यात कैद झाली आहे.या हाणामारीत काही पोलीस जखमी झाले असून, त्यानंतर पोलिस कर्मचारी आणि ढाबा मालकाच्या तक्रारीवरून कॅन्टोन्मेंट सिटी पोलिस स्टेशनमध्ये गुन्हा दाखल केला गेला आहे. आठ तरुण आणि एका अल्पवयीन मुलाला पोलिसांनी या प्रकरणात ताब्यात घेतलं आहे. 


 

    follow whatsapp