Mumbai Local प्रवासाबद्दल BMC ने दिली महत्वाची माहिती, लवकरच निर्णय घेतला जाणार?

पहिल्या टप्प्यात मुंबई महापालिकेने कोरोना लसीचे दोन्ही डोस घेतलेल्या व्यक्तींना डोमेस्टिक विमान प्रवासादरम्यान कोरोनाच्या RTPCR चाचणीची अट शिथील केली आहे. यासंदर्भात महापालिकेने राज्य सरकारला पत्रही लिहीलं आहे. मुंबई लोकल ही सर्वसामान्य मुंबईकरांसाठी लाईफलाईन ओळखली जाते. परंतू कोरोना काळात ही सेवा सामान्यांसाठी बंद असल्यामुळे अनेकांना कामावर जाताना त्रास सहन करावा लागत होता.

बस किंवा खासगी वाहनाने ऑफीस गाठताना ट्रॅफीकमध्ये मोडणारा वेळ, खर्च होणारा पैसा आणि त्यात वाढती महागाई यामुळे सामान्य मुंबईकर मेटाकुटीला आलेला असताना महापालिकेने हे संकेत दिले आहेत. त्यामुळे येणाऱ्या काळात या प्रस्तावावर अंतिम निर्णय कधी होतो हे पाहणं महत्वाचं ठरणार आहे.