वाहतूक पोलिसाला भररस्त्यात नडला, धमकावणाऱ्या इसमाला नंतर पोलिसांनी रडवलं, पाहा व्हिडीओ

रस्त्यात उभं राहून पोलिसांना धमकी देणाऱ्या या इसमाचा पोलिसांच्या कोठडीत ढसाढसा रडतानाचा व्हिडीओही आता सोशल मीडियावर व्हायरल होतो आहे.

अरुण रतन सिंह असं या आरोपीचं नाव असून तो आपल्या पत्नीसोबत मीरा-भाईंदर येथे कारचे काही पार्ट विकत घेण्यासाठी आला होता. यावेळी नो-पार्कींगमध्ये कार पार्क केल्यामुळे पोलिसांनी अरुण सिंहच्या गाडीला जॅमर लावला. काशी मीरा वाहतूक विभागातील पोलीस हवालदार कृष्णा दबडे यांनी ही कारवाई केली. ज्यानंतर संतापलेल्या अरण सिंहने दबडे यांना धमकी देऊन तुला भररस्त्यात मारेन अशी धमकी दिली.

यानंतर पोलिसांनी याची तात्काळ दखल घेत, सरकारी कर्मचाऱ्याला धमकी देऊन त्याच्या कामात अडथळा आणल्याप्रकरणी अरुण सिंहला अटक केली आहे. त्यामुळे या कारवाईनंतर पोलीस कर्मचाऱ्यांशी हुज्जत घालणाऱ्यांना यापुढे चाप बसेल असा विश्वास सोशल मीडियावर नेटकऱ्यांनी व्यक्त केला आहे.