जरंडेश्वर साखर कारखान्याच्या जप्तीमागे सबळ कारण-पंकजा मुंडे

पुढे बोलताना त्या म्हणाल्या की, ईडीच्या चौकशीमध्ये मंत्री असणे आणि मंत्री नसणे, याचा काही संबंध नाही. बँक खात्याच्या व्यवहारासंदर्भातील हे गुन्हे आहेत. त्याच्या मागे काहीतरी कारणे आहेत आणि ते सबळ आहेत. म्हणून त्याची चौकशी सुरू आहे.असे पंकजा मुंडे म्हणाल्या, तसेच ईडीच्या एखाद्या यंत्रणेने, एखाद्या मंत्र्यांची चौकशी केली तर लोकशाही धोक्यात येणार नाही, तर लोकशाही बळकटीकरण होईल.असा टोला देखील पंकजा मुंडे यांनी अजित पवार यांना लगावला.

काय आहे प्रकरण?

अजित पवार आणि त्यांच्या पत्नी सुनेत्रा पवार यांच्या निकटवर्तीयांशी संबंधित असलेल्या जरंडेश्वर सहकारी साखर कारखान्यावर ईडीने जप्तीची कारवाई केली आहे. त्यामुळे आता अजित पवार आणि त्यांच्या पत्नी सुनेत्रा पवार यांच्या अडणींमध्ये भर पडणार का? असा प्रश्न उपस्थित होतो आहे.

या साखर कारखान्यावर 2010 मध्ये 78 कोटी 90 लाखांच्या थकीत कर्जापोटी महाराष्ट्र राज्य सहकारी बँकेने जप्ती आणली होती. त्यानंतर हा कारखाना अजित पवार यांचे मावस भावाच्या कंपनीने लिलावात घेतला. माजी आमदार आणि महसूल मंत्री शालिनीताई पाटील या जरंडेश्वर सहकारी साखर कारखान्याच्या संस्थापिका आणि चेअरमनही होत्या. 16 जुलै 2010 हा कारखाना बँकेकडून लिलावात काढण्यात आला. साखर कारखान्याचा लिलाव झाल्यानंतर अजित पवार यांचे मावस भाऊ राजेंद्रकुमार घाडगे यांच्या कंपनीने हा कारखाना विकत घेतला. ज्यानंतर हा लिलाव हेतूपुरस्सर झाल्याचा आरोप करण्यात आला होता. ज्या कंपनीची वार्षिक उलाढाल एक कोटीहून कमी होती त्या कंपनीने 60 कोटींपेक्षा जास्त किंमत असलेला कारखाना कसा विकत घेतला? हा प्रश्न निर्माण झाला. या प्रकरणी आता चंदक्रांत पाटील यांनी सूचक अशी प्रतिक्रिया दिली आहे.