पंतप्रधान मोदींनी लता मंगेशकरांना केलं अभिवादन

लता मंगेशकर यांच्या अंत्यदर्शनासाठी पंतप्रधान नरेंद्र मोदी सायंकाळी मुंबईत दाखल झाले. त्यानंतर ते शिवाजी पार्क येथे आले. शिवाजी पार्क येथे लता मंगेशकरांचं पार्थिव अंत्यदर्शनासाठी ठेवण्यात आलेलं आहे. दरम्यान, मुंबई महापालिकेकडून शिवाजी पार्कवर अंत्यसंस्काराची सर्व तयारी करण्यात आली आहे. लतादीदींचं पार्थिव शिवाजी पार्क येथे आणण्यात आलं असून, याचं ठिकाणी त्यांना अखेरचा निरोप दिला जाणार आहे.

पंतप्रधान नरेंद्र मोदी यांनी लता मंगेशकर यांच्या निधनाबद्दल दुःख व्यक्त केलं होतं.

३६ भाषांमध्ये हजारो गाणी गायलेल्या लतादीदींचे देशभरात कोट्यवधी चाहते आहेत. त्यांच्या निधनामुळे भारतीय संगीत क्षेत्रात न भरुन येणारी पोकळी तयार झालं असल्याचं मोदी म्हणाले होते.