Viral Video: मुलाला साडीने बांधून 10व्या मजल्यावरून खाली लटकवलं, जन्मदात्या आईने असं का केलं?

सुदैवाने कोणतीही चूक झाली नाही आणि मुलगा पुन्हा सुखरूप वर आला. पण या सगळ्यात थोडीशीही चूक झाली असती तर क्षणार्धात मुलाचा जीवही जाऊ शकला असता.

व्हायरल झालेला व्हीडिओ फरीदाबादच्या सेक्टर-82 येथील फ्लोरिडा सोसायटीचा आहे. या व्हीडिओची चौकशी करत असताना आमची टीम फ्लोरिडा सोसायटीतील महिलेपर्यंत पोहोचली. जिने स्वतःच आपल्या मुलाला दहाव्या मजल्यावरून नवव्या मजल्यावर लटकवले होते.

त्यावेळी महिलेने जी माहिती सांगितली ते ऐकून आपल्यालाही प्रचंड आश्चर्य वाटेल. फ्लोरिडा सोसायटीमधील ही महिला 10व्या मजल्यावर राहते. जिचे कपडे तिच्या खालच्या मजल्यावर पडले होते आणि त्या मजल्यावरील ते घर बंद होते. त्यामुळे महिलेला तेथे जाऊन स्वत:चे कपडे आणता येत नव्हते. त्यामुळे महिलेने एक अत्यंत विचित्र शक्कल लढवली.

यावेळी महिलेने चक्क आपल्या मुलाला साडीला बांधून कपडे आणण्यासाठी खाली लटकवलं. यादरम्यान समोरच्या मजल्यावर राहणाऱ्या लोकांनी या संपूर्ण घटनेचा व्हीडिओ आपल्या मोबाइलमध्ये शूट केला. जो आता फरीदाबादमध्ये व्हायरल होत आहे.

या प्रकरणी मुनेश शर्मा या महिलेशी आमच्या टीम संवाद साधला असता ती म्हणाली की, ‘मला माझ्या चुकीचा पश्चाताप होत आहे.’

सोसायटीत राहणाऱ्या परवीन सारस्वत यांनी ही घटना 6 किंवा 7 फेब्रुवारीला घडल्याचे सांगितले. महिलेने आपल्या मुलाला साडीला बांधून आपले स्वत:चे कपडे आणण्यासाठी चक्क दहाव्या मजल्यावरुन खाली बिनधास्त लटकवलं होतं.

खालच्या मजल्यावरील रुममध्ये पडलेले कपडे आणण्यासाठी महिलेने कोणाशीही संपर्क साधला नाही आणि स्वत:चा विचित्र निर्णय घेतला जो अत्यंत धोकादायक ठरू शकला असता. सद्यस्थितीत सोसायटीच्यावतीने महिलेला या सगळ्या प्रकाराबाबत नोटीस बजावण्यात आली आहे.

Viral Video: नराधम बाप.. छोट्या मुलाला गुरासारखं बडवलं, अंगावर काटा आणणारी घटना कॅमेऱ्यात कैद

दरम्यान, हा प्रकार अत्यंत धक्कादायक असाच होता. मात्र, याप्रकरणी अद्याप तरी महिलेवर कोणताही गुन्हा वैगरे दाखल झालेला नाही. सुदैवाने यात मुलगा सुखरुपपणे पुन्हा वर आल्याने मोठी दुर्घटना टळली आहे.