Tauktae Cyclone : मुंबईतला Sea Link पुढील सूचना मिळेपर्यंत बंद

Cyclone म्हणजे काय? त्यांना नावं नेमकी कशी दिली जातात?

महाराष्ट्राला (Maharashtra) सध्या कोरोनासोबतच (Corona) ‘तौकताई’ या चक्रीवादळाचा (Tauktae Cyclone) देखील सामना करत आहे. अरबी समुद्रात (Arabian Sea) कमी दाबाच्या पट्टा तयार झाल्याने या वादळाची निर्मिती झाली आहे. (Cyclone) कालपासून (16 मे) हे वादळ महाराष्ट्राच्या किनारपट्टी भागात घोंघावत आहे. त्यामुळे या वादळाचा बराच फटका गोव्यासह कोकण किनारपट्टी भागाला बसला आहे. सध्या या वादळाने मुंबईत एंट्री केली असून आता ते पालघर-डहाणूमार्गे थेट गुजरातमध्ये जाऊन धडकणार असल्याची माहिती हवामान खात्याकडून देण्यात आली आहे.

तौकताई हे वादळ आज (17 मे) सकाळी 7 वाजेच्या सुमारास मुंबईपासून आत 150 किमी खोल समुद्रात पोहचलं आहे. या चक्रीवादळामुळे मुंबईत सध्या मोठ्या प्रमाणात पाऊस बरसत असल्याचं पाहायला मिळत आहे. तसेच तुफान वेगाने वारा देखील वाहत आहे.

Tauktae Cyclone: चक्रीवादळाने दिशा बदलली, पाकिस्तानवर धडकणारं वादळ आता महाराष्ट्रातून गुजरातच्या दिशेने!

तौकताई वादळाचा प्रवास हा लांबवरचा असल्याने महाराष्ट्रतील जवळजवळ सर्वच किनारपट्टी भागातून त्याची वाटचाल झाली आहे. त्यामुळे सिंधुदुर्ग आणि रत्नागिरी जिल्ह्यातून हे वादळ पुढे सरकून आज (17 मे) पहाटे 2 वाजेच्या सुमारास रायगड (Raigad) जिल्ह्यात पोहचलं. त्यामुळे श्रीवर्धन (Shrivardhan), हरिहरेश्वर (Harihareshwar), दिवे-आगार या किनारपट्टी भागात जोरदार वारे वाहत होते.

दरम्यान, गेल्या वर्षी आलेल्या ‘निसर्ग’ चक्रीवादळाचा (Nisarga Cyclone) लँडिंग पॉईंट हा रायगड जिल्ह्यातच होता. त्यामुळे येथे प्रचंड नुकसान झालं होतं. या नुकसानात येथील नागरिक अद्याप सावरलेले देखील नाहीत तोच आता तौकताई चक्रीवादळाचा त्यांना फटका बसला आहे.