उस्मानाबादमध्ये कोव्हिड रूग्णांचे हाल, बेड मिळत नसल्याने खुर्चीवर बसवून ऑक्सिजन पुरवठा

उस्मानाबाद जिल्ह्यात कोरोना रुग्णाच्या दररोजच्या आकड्याने 600 रुग्णांचा टप्पा पार केला असून जिल्ह्यात 3 हजार 902 अक्टिव्ह रुग्ण आहेत. गेल्या 15 दिवसांत रुग्णांची संख्या झपाट्याने वाढली असून त्याचा ताण आरोग्य यंत्रणावर पडतोय. जिल्हा शासकीय रुग्णालयासह खासगी रुग्णालयात ही स्तिथी सारखीच आहे. जिल्ह्यात खासगी रुग्णालयातील बेड्स भरले असल्याचं चित्र आहे.

उस्मानाबाद तालुका आणि शहर कोरोनाचा हॉटस्पॉट असल्याने शहरातील अनेक रुग्णालयांमध्ये बेड्स उपलब्ध नाहीत. यामुळे अनेक रुग्णांना बेड मंळणे मुश्किल झालंय. एकट्या उस्मानाबाद शहरात 300 पेक्षा जास्त रुग्ण रोज सापडतायत. रूग्णसंख्येसोबत मृत्यूचा आकडाही वाढत आहे.

अनेक नागरिक विनामास्क तसंच विनाकारण फिरत असून कोरोना नियमांचं सर्रास उल्लंघन होताना दिसतंय. कोरोनाचा संसर्ग रोखण्यासाठी नियम पाळणं आणि प्राथमिक लक्षणे दिसल्यावर ती अंगावर न काढता डॉक्टरांशी संपर्क साधून योग्य वेळी उपचार घेणं गरजेचं आहे.