UK Election: खासदार सुधा मूर्तींचे जावई गमावणार सत्ता? काय आहे राजकीय स्थिती?

सत्तेत असलेल्या ऋषी सुनक यांच्या कंझर्व्हेटिव्ह पार्टीसाठी हा मोठा धक्का मानला जात आहे. कीर स्टार्मरने एप्रिल 2020 मध्ये डाव्या विचारसरणीच्या जेरेमी कॉर्बिनकडून नेता म्हणून पदभार स्वीकारला. यानंतर त्यांनी लेबर पक्षाला राजकीय केंद्रस्थानी नेले आणि त्यांच्या पक्षातील सेमेटिकवाद संपवला, त्यामुळेच त्यांचे कौतुक होत आहे. त्याच वेळी, त्यांचे समर्थक कीर स्टार्मरकडे असा एक नेता म्हणून पाहतात जो ब्रिटनला आर्थिक मंदीतून बाहेर काढण्यास पूर्णपणे सक्षम आहे. 

हेही वाचा : Team India च्या व्हिक्ट्री परेडमध्ये घडलं तरी काय? 10 जण रूग्णालयात दाखल

लेबर पार्टीच्या विजयानंतर कीर स्टार्मर देशाचे पुढील पंतप्रधान होतील असं बोललं जात आहे. दरम्यान पराभव पुढ्यात दिसू लागल्यानंतर ऋषी सुनक यांनी उद्या पंतप्रधानपदाचा राजीनामा देणार असल्याची घोषणा केली आहे.

कोण आहेत कीर स्टार्मर?

61 वर्षीय कीर स्टार्मर यांची कायदेशीर कारकीर्द तीन दशकांची आहे. यावेळी त्यांनी मानवाधिकारांशी संबंधित मुद्द्यांवर लक्ष केंद्रित केले. ते पेशाने वकील आहेत. कॅरिबियन आणि आफ्रिकेत मृत्युदंडाच्या शिक्षेला सामोरे जाणाऱ्या कैद्यांसाठीही त्यांनी वकिली केली. मॅकडोनाल्डच्या पर्यावरणीय दाव्यांवर टीका करणाऱ्या कार्यकर्त्यांना त्याची प्रो-बोनो सेवा दिली. यामुळे त्यांच्याकडे न्यायाचे चॅम्पियन म्हणून पाहिले जाते. 

ब्रिटनच्या दिवंगत राणी एलिझाबेथ यांनी कायदा आणि गुन्हेगारी न्याय या क्षेत्रातील कमासाठी कीर स्टार्मर यांना विशेष पुरस्कारही दिला होता. 2015 मध्ये लंडनमधून त्यांनी पहिल्यांदा निवडणूक जिंकली होती. 2019 च्या सार्वत्रिक निवडणुकांमध्ये पक्षाची निराशाजनक कामगिरी होती. त्यानंतर आज जे पक्षाला यश मिळत आहे याचे संपूर्ण श्रेय कीर स्टार्मर यांना जाते.

हेही वाचा : मुंबई स्पिरीट! अलोट गर्दीत रुग्णवाहिकेला करून दिली वाट मोकळी, Video Viral

एक कुशल वकील असल्याने त्यांचा राजकारणात खूप फायदा झाला. यामुळे त्यांची प्रतिष्ठा मजबूत झाली. विशेष म्हणजे भारतातल्या काश्मीर प्रश्नावर पक्षाचे माजी नेते जेरेमी कॉर्बिन यांनी घेतलेल्या विरोधी भूमिकेमुळे नाराज झालेल्या भारतीयांची मनं वळवण्यात स्टार्मर यांना यश आलं. त्यामुळे एका भाषणात भारतासोबत जागतिक सुरक्षा, आर्थिक सुरक्षेच्या आधारावर संबंध मजबूत करण्याची मागणी त्यांनी केली होती.

हेही वाचा : Mazi Ladki Bahin Yojana App: माझी लाडकी बहीण योजनेचा अर्ज थेट App वरून करा!

ऋषी सुनक यांच्या पक्षाला स्वीकारावा लागणार पराभव

• गेल्या 14 वर्षांपासून कंझर्व्हेटिव्ह पक्ष सत्तेत आहे. या कार्यकाळात ब्रिटनमध्ये 5 पंतप्रधान राहिले आहेत. 

• 2010 च्या सार्वत्रिक निवडणुकीत कंझर्व्हेटिव्ह पक्षांनी विजय मिळवल्यानंतर डेव्हिड कॅमेरून पंतप्रधान झाले.