lalbaugcha Raja : अनंत अंबानींवर 'लालबागचा राजा' मंडळाची मोठी जबाबदारी, 'या' पदावर नियुक्ती का केली?

अवघ्या काही तासांनंतर गणेशोत्सवाला प्रारंभ होणार आहे.  याच पार्श्वभूमीवर अनंत अंबानी यांना लागबागचा राजा मंडळाकडून अत्यंत महत्वाची जबाबदारी सोपवण्यात आली आहे. या मंडळाची वार्षिक सर्वसाधारण सभा नुकतीच पार पडली. या सभेत अनंत अंबानी यांना प्रमुख जबाबदारी देण्याच्या प्रस्तावाला एकमताने मंजुरी देणयात आली. यानुसार, अनंत अंबानी यांना मानद सदस्य म्हणून नियुक्त करण्यात आले आहे.

हे ही वाचा >> Today Horoscope : या' राशीच्या लोकांना मिळणार गुड न्यूज! जाणून घ्या आजचं राशी भविष्य

अंबानी कुटुंबीयांनी धार्मिक आणि सांस्कृतिक क्षेत्रात मोलाचं योगदानं दिलं आहे. दरवर्षी अंबानी कुटुंब भक्तीभावाने लालबागच्या राजाच्या दर्शनासाठी येतात. या कुटुंबीयांचा गणपती बाप्पासाठी असलेला सेवाभाव पाहून त्यांचाही समावेश मंडळाच्या कार्यकारिणीत करण्याचा निर्णय मंडळाने घेतला आहे.मुंबईच्या पिटलाबाई चाळीत लालबागच्या राजाची प्रतिमा स्थापित करण्यात येते. हा गणेश मंडळ मुंबईतील सर्वात मोठा मंडळ आहे.

या गणेशोत्सव मंडळात लालबागच्या राजाच्या दर्शनासाठी लाखो भाविक उपस्थित राहतात. देशात ७ सप्टेंबरला गणशोत्सवाला सुरुवात होत आहे. दहा दिवस गणेशोत्सव मोठ्या दिमाखात साजरा केला जातो. लालबागचा राजा सार्वजनिक गणेशोत्सव मंडळाच्या अधिकाऱ्यांनी दिलेल्या माहितीनुसार, लालबागचा राजा मंडळाची तयारी पूर्ण झाली आहे. शुक्रवारपासून गणेशभक्त लालबागच्या राजाच्या दर्शनसाठी येणार आहेत. प्रत्येक वर्षी लालबागच्या राजाच्या प्रतिमेचं डिजाईन बदललं जातं, ही लालबागच्या राजाची खासियत आहे.