Devendra Fadnavis: शपथविधीनंतर CM फडणवीसांनी 'या' फाइलवर केली सगळ्यात आधी सही

पुणे येथील रुग्ण चंद्रकांत शंकर कुऱ्हाडे यांना पाच लाखाची मदत मुख्यमंत्री वैद्यकीय सहायता निधीतून देण्याचे निर्देश त्यांनी फाईलवर दिले आहेत.

हे ही वाचा>> Eknath Shinde: आताच्या घडीची सगळ्यात मोठी बातमी, एकनाथ शिंदेंनी राज्यपालांना दिलं 'ते' पत्र!

चंद्रकांत कुऱ्हाडे यांच्या पत्नीने बोन मॅरो ट्रान्सप्लांट उपचारासाठी मुख्यमंत्री सहाय्यता निधीतून अर्थसहाय्य देण्याची विनंती केली होती.

'अधिक गतीने काम करा', CM फडणवीसांचे अधिकाऱ्यांना आदेश

दरम्या,न राज्य मंत्रिमंडळाच्या बैठकीत महाराष्ट्राच्या नवे मुख्यमंत्री देवेंद्र फडणवीस यांनी प्रशासनाला सूचना केल्या आणि अधिक गतीने आणि जोमाने काम करण्यास सांगितले. 'जनतेच्या अपेक्षांची पूर्ती करण्यासाठी आपल्याला अधिक वेगाने काम करावे लागेल.' असे ते यावेळी अधिकाऱ्यांना म्हणाले.

हे ही वाचा>> Raj Thackeray : "सरकार चुकतंय, लोकांना गृहीत धरतंय असं जर जाणवलं, तर...", शपथविधी होताच राज ठाकरेंची पोस्ट

'आता गती वाढवू आणि अधिक खोलवर जाऊन चांगले निर्णय घेऊन  शाश्वत विकास कसा साध्य करता येईल त्या दृष्टिकोनातून प्रयत्न करूयात.' असेही ते म्हणाले

मुख्य सचिव सुजाता सौनिकांकडून मुख्यमंत्री-उपमुख्यमंत्र्यांचे स्वागत

राज्य मंत्रिमंडळ बैठकीत नवनियुक्त मुख्यमंत्री देवेंद्र फडणवीस यांना उपमुख्यमंत्री एकनाथ शिंदे आणि उपमुख्यमंत्री अजित पवार यांनी पुष्पगुच्छ देऊन अभिनंदन केले. यावेळी मुख्य सचिव सुजाता सौनिक यांनी देखील मुख्यमंत्री देवेंद्र फडणवीस यांना प्रशासनाच्या वतीने पुष्पगुच्छ देऊन त्यांना शुभेच्छा दिल्या.