Ajit Pawar : ''माझा दौरा रद्द करणारा अजून...'', पक्षातील नेत्यालाच अजित पवारांनी झापलं

मोहोळ येथे अजित पवारांच्या दौऱ्यापूर्वीच अजित पवार गटातील नेते उमेश पाटील यांनी मोहोळ बंदची हाक दिली होती. यावर अजित पवारांनी त्यांना चांगलेच सुनावले आहे. ''मध्ये कोणतरी पट्ट्या म्हटला, दादांचा दौरा मी रद्द केला. अजित पवारने आखलेला दौरा रद्द करायला अजून माणूस जन्माला यायचाय, असे म्हणत अजित पवारांनी उमेश पाटील यांच्यावर निशाणा साधला. तसेच, पंतप्रधानांचा कार्यक्रम असल्याने शेवटी आपल्याला अॅडजस्ट करावी लागते. त्यामुळे मी माझा दौरा पुढे ढकलल्याची माहिती दिली. पण कुणी मध्येच म्हणतेय माझ्यामुळे झाला, असे अजित पवारांनी सांगितले.

हे ही वाचा : Video : अरबाज किंवा निक्की आज घराबाहेर जाणार...,भाऊच्या धक्क्यावर कुणाचा होणार गेम?

अजित पवारांनी पुढे एक उदाहरण देताना सांगितले, बैलगाडी खाली एक कुत्र चाललेलं असतंय, त्याला वाटतं मी गाडी आढतोय. पण, अरे तुझ्या पुढं बैलं आहेत, ती ही गाडी आढतायंत, तू देवळातली घंटा हलवतो का?, अशा शब्दात अजित पवारांनी उमेश पाटलांवर टीका देखील केली.

 उमेश पाटील काय म्हणाले? 

''अजित पवारांचा दौरा मी रद्द करायला लावला, असं मी कधीही म्हणालो नाही. अनगरच्या राजन पाटलांनी त्यांना चुकीची माहिती दिली. दादांचा दौरा रद्द करण्याएवढा मी मोठा नाही, जर दादा माझं ऐकत असते तर मोहोळच्या आमदाराचे तिकीट रद्द केलं असतं'' असं उमेश पाटील यांनी स्पष्ट केलं.

हे ही वाचा : Prataprao Jadhav : ''आम्ही तीन पिढ्या वीज भरलं नाही'', शिंदेंचा मंत्री 'हे' काय बोलून गेला?

सुनील तटकरे यांनी पक्षविरोधी काम करणाऱ्यांवर कारवाई करणार, असा इशारा दिलाय. त्यावरही उमेश पाटील म्हणाले, 'प्रदेशाध्यक्ष तशी कारवाई करणार असाल तर आधी आमदार यशवंत माने यांच्यावर कारवाई करावी लागेल. कारण आमदार यशवंत माने हे शरद पवार गटाचे जिल्हाध्यक्ष बळीराम साठे यांना गाडीत घेऊन फिरतात. सरकारकडून आलेल्या निधीच्या विकासकामांचे उद्घाटन शरद पवार गटाच्या जिल्हाध्यक्षांना घेऊन करतात. त्यामुळे आमदार यशवंत माने यांची पक्षातून पहिल्यांदा हकालपट्टी केली पाहिजे' असं उमेश पाटील म्हणाले.