Eknath Shinde : कुणाल कामरावर पहिल्यांदाच बोलले, एकनाथ शिंदे म्हणाले 'त्या' तोडफोडीचं समर्थन नाही, पण...

हे ही वाचा >> Nikhil Wagle : आधी उद्धव ठाकरे, संजय राऊत यांनी माफी मागावी, 'त्या' हल्ल्याचा उल्लेख, वागळे काय म्हणाले?

एकनाथ शिंदे यांना कुणाल कामराच्या त्या शब्दांबद्दल सवाल करण्यात आला. त्यावर शिंदे म्हणाले, "आरोपांवर मी बोलत नाही. अडीच वर्ष माझ्यावर आरोप झाले. मात्र, मी कामाने उत्तर दिलं. आरोपाला, आरोपांनी दिलं तर फोकस चेंज होतो. कामांनी उत्तर दिल्यामुळे जनतेनं आम्हाला पुन्हा निवडून दिलं. गद्दारी केली वगैरे लोक म्हणत होते. मात्र, 80 पैकी 60 जागा आम्ही जिंकलो." बीबीसी मराठीला दिलेल्या विशेष मुलाखतीत शिंदे बोलत होते.

एकनाथ शिंदे पुढे म्हणाले, अभिव्यक्ती स्वातंत्र्या ठीके, मात्र त्याचा गैरफायदा घेऊन हा व्याभिचार, स्वैराचार आणि सुपारी घेऊन बोलण्याचं काम आहे. विडंबन चालतं, ते कित्येक कविंनी केलंय.  मात्र, या माणसाने माझ्यावर सोडाच, सुप्रीम कोर्टाचे चिफ जस्टीस, पंतप्रधान मोदी, अर्थमंत्री निर्मला सितारमण, पत्रकारालाही विमानात भांडला, त्याला एअरलाईन्समधून बॅन केलंय असं शिंदे म्हणाले. 

हे ही वाचा >> Kunal Kamra : वातावरण पेटल्यानंतर कुणाल कामराचं स्पष्टीकरण, शिंदेंना पुन्हा डिवचलं, अजितदादांच्या नावाचा...

दरम्यान, एकनाथ शिंदे यांनी असंही सांगितलं की, तोडफोडीचं समर्थन आम्ही करणार नाही. पण समोरच्यानेही आरोप करताना कुठल्या लेव्हलला आरोप करायचे हे पाहिलं पाहिजे. कार्यकर्ते संवेदनशील असतात. मी कधीही कुणावरही रिअॅक्ट होत नाही. मी शांतपणे काम करतो, लोकांना न्याय देतो.

कुणाल कामराचं स्पष्टीकरण.... 

"मनोरंजनाचा कार्यक्रम जिथे झाला (शुटींगचं ठिकाण) ते फक्त एक व्यासपीठ आहे. सर्व प्रकारच्या कार्यक्रमांसाठीची ती जागा आहे.हॅबिटॅट (किंवा इतर कोणतेही ठिकाण) माझ्या विनोदासाठी जबाबदार नाही. मी काय बोलतो किंवा करतो याचा त्यांच्याशी काहीही सबंध नाही, त्यांचं माझ्यावर नियंत्रणही नाही.तसाच कुठल्याही राजकीय पक्षाचाही यात संबंध नाही. विनोदी कलाकाराच्या शब्दांसाठी अशा सेटवर हल्ला करणे हे म्हणजे, निरर्थक आहे." असं म्हणत दुसरे उपमुख्यमंत्री म्हणून कुणाल कामराने शिंदेंना पुन्हा डिवचलं आहे.