Shiv Sena Ministers: शिवसेनेच्या संभाव्य मंत्र्यांची यादी, पण एकनाथ शिंदेंचं काय?

एकनाथ शिंदे यांनी 2022 पहिल्यांदा मुख्यमंत्री म्हणून शपथ घेतली होती. त्यावेळी त्यांच्यासोबत 40 आमदार शिवसेनेतून बाहेर पडले होते. यापैकी बऱ्याच आमदारांना त्यांनी मंत्रिपदाची संधी दिली. तसंच काही जणांनी चांगली खातीही दिली होती. पण आता 2024 साली भाजपचं सरकार आल्यामुळे शिंदेंना नमतं घ्यावं लागत आहे.

हे ही वाचा>> BJP Ministers: 'ही' आहे भाजपच्या संभाव्य मंत्र्यांची यादी, फडणवीस मुख्यमंत्री हे ठरलं, पण मंत्री कोण-कोण?

अशावेळी आता एकनाथ शिंदे हे शिवसेनेकडून नेमकं कोणाला मंत्रिपद देणार हे पाहणं महत्त्वाचं ठरणार आहे. तसंच शिंदे ज्या नावांची यादी भाजपकडे पाठवतील त्यांना भाजपकडून मान्यता मिळणार का? याकडे सर्वांचं लक्ष लागून राहिलं आहे.

दरम्यान, शिवसेनेचे संभाव्य मंत्री नेमकं कोण-कोण असू शकतात यावर टाकूया एक नजर...

शिवसेनेच्या संभाव्य मंत्र्यांची यादी 

1. एकनाथ शिंदे 
2. गुलाबराव पाटील
3. दादा भुसे
4. संजय राठोड
5. उदय सामंत
6. तानाजी सामंत
7. अब्दुल सत्तार
8. दीपक केसरकर
9. शंभुराज देसाई
10. भरतशेट गोगावले
11. अर्जुन खोतकर
12. संजय शिरसाट
13. विजय शिवतारे
14. योगेश कदम

हे ही वाचा>> मोठी बातमी! फडणवीस भेटले पण शिंदे 'अजूनही' अडून बसले, आता थेट शाहांना...

शिवसेनेतील या नेत्यांना मंत्रिपद मिळू शकतं. पण असं असलं तरी एकनाथ शिंदे यांच्यावर अंतिम निर्णय असणार आहे. मात्र, या नावांमध्ये फारसा बदल शिंदेकडून केला जाणार नसल्याचं सध्या तरी बोललं जातंय. पण आता या नावांना भाजपकडून देखील हिरवा कंदील मिळणं गरजेचं आहे. तरच या नेत्यांचा शपथविधी पार पडू शकतो.