Ind vs Eng ODI : रोहित आणि शिखर धवन ओपनिंगला येणार – विराट कोहली

“शिखर धवन आणि रोहित शर्मा टीम इंडियासाठी ओपनिंग करतील. जेव्हा वन-डे क्रिकेटचा प्रश्न येतो तेव्हा यात कोणतीही शंका नसते. गेल्या काही वर्षांपासून ते दोघंही आमच्यासाठी चांगली कामगिरी करतायत.” विराट कोहली पहिल्या वन-डे मॅचआधी झालेल्या पत्रकार परिषदेत बोलत होता. इंग्लंडविरुद्ध पार पडलेल्या टी-२० सिरीजमध्ये भारताने ओपनिंगसाठी ४ कॉम्बिनेशन्स ट्राय करुन बघितली होती.

नुकत्याच पार पडलेल्या टी-२० सिरीजमध्ये पहिल्या दोन सामन्यात भारताने रोहित शर्माला विश्रांती देऊन शिखर आणि लोकेश राहुलला संधी दिली होती. परंतू ही जोडी फेल गेल्यानंतर भारताने तिसऱ्या सामन्यात रोहित शर्माला पुन्हा एकदा संघात स्थान दिलं. दरम्यान अखेरच्या टी-२० सामन्यात विराट कोहली स्वतः रोहित शर्मासोबत ओपनिंगला आला होता. या सामन्यात दोन्ही बॅट्समननी तुफान फटकेबाजी करत इंग्लंडच्या बॉलर्सना सळो की पळो करुन सोडलं होतं. परंतू भविष्यातही मी असंच ओपनिंगला येईन याची खात्री नसल्याचं विराटने स्पष्ट केलं.