Jasprit Bumrah : जसप्रीत बुमराहने घातला स्पेशल शर्ट; किंमतीबद्दल तुमचाही अंदाज चुकेल

या फोटोच्या कॅप्शनमध्ये बुमराहने पंजाबी भाषेत काही ओळीही लिहिल्या आहेत. मात्र, चाहत्यांचे लक्ष त्या लाईन्सकडे कमी आणि बुमराहच्या शर्टकडे जास्त होते. जसप्रीत बुमराहने परिधान केलेल्या शर्टची किंमत जाणून तुम्हालाही आश्चर्य वाटेल. हा शर्ट Balenciaga ब्रँडचा असून त्याची किंमत 112,768 रुपये (जवळपास एक लाख 13 हजार) आहे.

एका चाहत्याने या शर्टच्या फोटोच्या स्क्रीनशॉटसह त्याची किंमत ऑनलाइन शेअर केली आहे. असा लक्झरी ब्रँडचा शर्ट घालणे बुमराहसाठी नवीन गोष्ट नाही. शर्टच्या किमतींव्यतिरिक्त चाहत्यांनी त्याच्या दुखापतीबद्दलही रंजक प्रतिक्रिया दिल्या. एका यूजरने लिहिले की, ‘तुमचे ट्विटही तुमच्या फिटनेससारखे आहे, तुम्ही कधी फिट असाल आणि कधी अनफिट असाल हे कोणीही समजू शकत नाही. पण एक गोष्ट आम्हाला समजते की तुम्ही आयपीएलसाठी पूर्णपणे तंदुरुस्त असाल. बुमराह टी-20 विश्वचषकातून बाहेर पडला तेव्हाही त्याला आयपीएलच्या निमित्ताने ट्रोल करण्यात आले.

बुमराहचा रेकॉर्ड

उजव्या हाताचा वेगवान गोलंदाज जसप्रीत बुमराहचे सर्वात मोठे शस्त्र अचूक यॉर्कर आहे, ज्यामुळे तो फलंदाजांना चकमा देण्यात माहिर आहे. जसप्रीत बुमराहने आतापर्यंत 72 एकदिवसीय सामन्यांमध्ये 24.30 च्या सरासरीने 121 बळी घेतले आहेत. त्याच वेळी, 60 T20 आंतरराष्ट्रीय सामन्यांमध्ये, बुमराहने 20.22 च्या सरासरीने 70 विकेट घेतल्या आहेत. याशिवाय बुमराहच्या नावावर 30 कसोटी सामन्यांमध्ये 21.99 च्या सरासरीने 128 बळी आहेत.

शमी वनडे सिरीजमधून दुखापतीमुळे बाहेर

दुसरीकडे, भारत आणि बांगलादेश यांच्यातील तीन सामन्यांच्या वनडे मालिकेला आजपासून (४ डिसेंबर) सुरुवात होत आहे. मालिका सुरू होण्यापूर्वीच मोहम्मद शमीला दुखापतीमुळे बाहेर पडावे लागल्याने भारतीय संघाला मोठा धक्का बसला होता. शमीच्या जागी बीसीसीआयने उमरान मलिकला संघात स्थान दिले आहे. या मालिकेत सर्वांच्या नजरा कर्णधार रोहित शर्मा, के.एल राहुल आणि यष्टिरक्षक फलंदाज ऋषभ पंत यांच्यावर असतील, ज्यांचा फॉर्म खराब आहे.