Personal Finance: शेअर मार्केटने वाट लावली पण सोन्याने नशीबच टाकलं बदलून!
Share Market crash: एकीकडे शेअर बाजारात मोठी घसरण पाहायला मिळत आहे. तर दुसरीकडे सोन्याच्या दरात मात्र मोठी वाढ झालेली पाहायला मिळत आहे. जाणून घ्या याचविषयी खास गोष्टी
ADVERTISEMENT
मुंबई: जगभरातील शेअर बाजाराने (share market roundup) गुंतवणूकदारांना खूप निराश केले आहे. बाजारातील घसरण आणि घसरणीसारख्या रोजच्या अपडेट्समुळे गुंतवणूकदारांचा भ्रमनिरास होऊ लागला आहे. अनेक लोकांचे पैसे बुडाले आहेत. या सगळ्यामध्ये, सोन्यामध्ये ज्यांनी चांगली गुंतवणूक केली आहे त्यांच्या चेहऱ्यावर मात्र चमक पाहायला मिळतेय. ही चमक इतकी जास्त आहे की शेअर बाजारातील परतावाही त्याच्यासमोर फिका वाटतो आहे.
पर्सनल फायनान्सच्या या सीरीजमध्ये, आम्ही तुम्हाला सोन्यातील गुंतवणूक आणि त्याच्या अंतिम परताव्याबद्दल सांगणार आहोत.
सोन्याचा भाव 91 हजार रुपयांच्या पुढे.
जर आपण सोन्याच्या किमतीबद्दल बोललो तर 24 कॅरेट सोन्याचा 10 ग्रॅमचा भाव 91 हजार रुपयांच्या पुढे गेला आहे. एप्रिल महिन्यात सोने (gold price update) सतत नवीन विक्रम करत आहे. जर कोणी 25 वर्षांपूर्वी 1 लाख रुपयांचे सोने खरेदी केले असते, तर आज त्याची किंमत सुमारे 19 लाख रुपये असती, तर निफ्टीमध्ये तेवढीच गुंतवणूक केली असती तर त्याची किंमत फक्त 18 लाख रुपयांच्या आसपास असती.
हे ही वाचा>> पैसा-पाणी : संकटात संधी! ट्रंप यांच्या टॅरिफ धोरणामुळे भारतासाठी नवे दरवाजे उघडण्याची शक्यता
सोन्याचे वाढते दर
| वर्ष | 24 कॅरेटची किंमत प्रति 10 ग्राम |
| 2020 | 48651 रुपये |
| 2021 | 48720 रुपये |
| 2022 | 52670 रुपये |
| 2023 | 65330 रुपये |
| 2024 | 80450 रुपये |
| 2025 | 89000 रुपये |
जुनी चर्चा पण नवीन विचारसरणी
सोने खरेदी करा... हे प्राचीन काळापासून नेहमी बोललं जातं. कारण वाईट काळात ते उपयोगी पडेल. पूर्वी वडीलधारी लोकं सोनं खरेदी करायचे आणि गुंतवणुकीच्या नावाखाली ते ठेवायचे. आतापर्यंत शेअर बाजाराकडे उत्तम परतावांचे स्रोत म्हणून पाहिले जात होते. पण आताची परिस्थिती पाहता आजच्या पिढीला पुन्हा एकदा वडीलधाऱ्यांच्या या जुन्या युक्तीबद्दल विचार करण्यास भाग पाडले आहे. आता नवीन पिढीने या टिप्स नवीन पद्धतीने स्वीकारायला सुरुवात केली आहे.
सोन्यामधून परतावा
| वर्ष | रिटर्न |
| 2025 ते आतापर्यंत | 15% |
| 2024 | 27% |
| 2023 | 14% |
| 2022 | 13% |
टॅरिफ वॉरमुळे शेअर्स कोसळले, पण सोने तेजीत
संपूर्ण जग या टॅरिफ वॉरमुळे चिंतेत आहे. या हल्ल्याचा शेअर बाजारावर परिणाम होत आहे. एकीकडे शेअर बाजार कोसळत आहे तर दुसरीकडे सोन्याची चमक वाढत आहे. हे फक्त 2025 बद्दल नाही. जवळजवळ प्रत्येक काळात, सोन्याने शेअर बाजारापेक्षा चांगली कामगिरी केली आहे किंवा जवळजवळ बरोबरीने आहे.
हे ही वाचा>> Personal Finance: 55,000 रुपयांपर्यंत जाऊ शकतं सोनं... आता गुंतवणूक करावी का?
असे समजून घ्या सोन्याचे गणित
जर पाच वर्षांपूर्वी सोन्यात एक लाख रुपये गुंतवले असते तर आज त्याची किंमत 1.88 लाख रुपये झाली असती, तर निफ्टीमध्ये ती 1.65 लाख रुपये झाली असती. दहा वर्षांपूर्वी सोन्यातील ही गुंतवणूक 3.30 लाख रुपये असती, तर शेअर बाजारात ती 2.91 लाख रुपये असती.
Gold Vs Nifty
| मालमत्ता | गुंतवणूक | 25 वर्षानंतरची किंमत |
| सोनं | 1 लाख रुपये | 20 लाख रुपये |
| Nifty | 1 लाख रुपये | 18 लाख रुपये |
10 वर्षांसाठी गुंतवणूक
| मालमता | गुंतवणूक | 10 वर्षानंतरची किंमत |
| सोनं | 1 लाख रुपये | 3 लाख 30 हजार रुपये |
| Nifty | 1 लाख रुपये | 2 लाख 91 हजार रुपये |
5 वर्षांसाठी गुंतवणूक
| मालमता | गुंतवणूक | 10 वर्षानंतर किंमत |
| सोनं | 1 लाख रुपये | 1 लाख 78 हजार रुपये |
| Nifty | 1 लाख रुपये | 1 लाख 65 हजार रुपये |
तर मी माझे सर्व पैसे सोन्यात गुंतवावे का?
प्रसिद्ध गुंतवणूकदार वॉरेन बफेट म्हणतात की, सोन्याची काही उपयोगिता नाही. सध्या संपूर्ण जगात 2.16 लाख मेट्रिक टन सोने आहे. जर तुम्ही सर्व सोने वितळवून त्याला घनाचा आकार दिला तर त्याची एक भिंत ६८ फूट उंच असेल. दागिने बनवण्याशिवाय त्याचा काही उपयोग नाही. उलट, जर तुमच्याकडे जमीन असेल तर तुम्ही शेती करू शकता. वर्षानुवर्षे उत्पन्न मिळू शकते. जर तुम्ही कंपन्यांच्या शेअर्समध्ये पैसे गुंतवले तर ते व्यवसाय करतील. तुम्ही बराच काळ पैसे कमवू शकता. बफेट सोन्याला मृत गुंतवणूक म्हणतात.
मग तुम्ही काय करावे? तज्ज्ञ म्हणतात की, तुम्ही तुमची सर्व अंडी एकाच टोपलीत ठेवू नयेत. या कारणास्तव पोर्टफोलिओमध्ये दहा टक्के सोने ठेवण्याचा सल्ला दिला जातो.
हे वाचलं का?
