Bigg Boss OTT 3 Winner : सना मकबूलने पटकावली ट्रॉफी; किती मिळणार पैसे?

बिग बॉस ओटीटी 3 चा ग्रँड फिनाले शुक्रवारी (2 ऑगस्ट) पार पडला. मॉडल आणि अभिनेत्री सना मकबूलने रॅपर नॅजीला पराभूत करत ट्रॉफी जिंकली. सना मकबूलला 25 लाख रुपये मिळाले. 

सना मकबूल झाली भावूक

अनिल कपूर होस्ट करत असलेल्या हा शो भांडणांमुळे दीड महिना चर्चेत राहिला. बिग बॉस ओटीटीचे विजेतेपद जिंकण्याचे सना मकबूलचे पहिल्या दिवसापासून स्वप्न होते. अनिल कपूरने विजेता म्हणून सनाच्या नाव जाहीर केल्यानंतर ती भावूक झाली. तिचे ट्रॉफी जिंकण्याचे स्वप्न पूर्ण झाले. 

आई, बहीण आणि बॉयफ्रेंड

बिग बॉस ओटीटी 3 ची विजेता ठरल्यानंतर सना मकबूलने आईला घट्ट मिठी मारली. सना मकबूलची बहीण आणि तिचा कथित बॉयफ्रेंड श्रीकांत बुरेड्डी पण बिग बॉस ओटीटीच्या फिनालेला हजर होते. 

सगळ्यांना उत्तर दिलंय; ट्रॉफी जिंकल्यानंतर सनाची प्रतिक्रिया

बिग बॉस ओटीटी विजेता ठरल्यानंतर 'इंडिया टुडे'शी बोलताना सना मकबूलने तिच्या भावना व्यक्त केल्या. 

"शो मध्ये पहिल्या दिवसापासून ट्रॉफी जिंकायची इच्छा होती. तोच प्रयत्न सातत्याने करत होते. आज मी ट्रॉफी जिंकली आहे आणि मी सगळ्यांचे आभारी आहे. माझ्या मनात स्वतःबद्दलचा आदर आणखी वाढला आहे. घरात प्रत्येक जण माझ्यावर टिका टिप्पणी करत होते, पण आज मी ट्रॉफी जिंकून त्या सगळ्यांना उत्तर दिलं आहे", असे सना मकबूल म्हणाली.