Mahayuti Manifesto : लाडकी बहीणचे पैसे वाढवणार, विद्यार्थ्यांना मोठं आश्वासन, महायुतीच्या जाहीरनाम्यातल्या 10 गोष्टी

Kolhapur Mahayuti Sabha : कोल्हापुरात काल महायुती आणि महाविकास आघाडीनेही प्रचाराचं रणशिंग फुंकलं. यावेळी महायुतीकडून आपल्या जाहीरनाम्यातील 10 गोष्टी जाहीर करण्यात आल्या. या सभेसाठी मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस हे उपस्थित होते. कोल्हापूरमध्ये अंबाबाईचं दर्शन घेऊन महायुतीच्या प्रचाराची पहिली प्रचारसभा काल पार पडली. यावेळी महायुतीच्या जाहीरनाम्यातील 10 कलमी कार्यक्रम मतदारांसमोर सादर करत प्रचाराचं रणशिंग फुंकण्यात आलं. महायुतीच्या महाविजयाचा संकल्प करत मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत कोल्हापूर जिल्ह्यातील दहा उमेदवारांच्या प्रचारासाठी नारळ वाढवून प्रचाराचा श्रीगणेशा करण्यात आला.