Yogi Adityanath : मी 'बटेंगे तो कटेंगे' म्हटल्यावर वाईट वाटतं, पण रझाकारांनी खरगेंच्याच... CM योगी काय म्हणाले?

CM Yogi Adityanath Kolhapur : कोल्हापूरमध्ये काल महायुतीच्या उमेदवारांसाठी मुख्यमंत्री योगी आदित्यनाथ यांची सभा पार पडली. गेल्या काही दिवसांपासून राज्यात प्रचाराची रणधुमाळी सुरू आहे. महाविकास आघाडी आणि भाजपचे बडे नेते प्रचारासाठी मैदानात आहेत. आज प्रचाराच्या तोफा थंडावणार आहेत. या संपूर्ण प्रचारात गाजल्या त्या भाजप नेत्यांनी दिलेल्या दोन घोषणा. योगी आदित्यनाथ यांनी दिलेली बटेंगे तो कटेंगेची घोषणा आणि त्यानंतर पंतप्रधान नरेंद्र मोदी यांनी दिलेली 'एक हैं तो सेफ हैं'ची घोषणा. या घोषणांनंतर विरोधकांकडून टीकेची राळ उठली. तसंच महायुतीमध्ये सहभागी असलेल्या आणि खुद्द भाजपच्या नेत्यांनीही या घोषणेचा विरोध केला. मात्र आता त्यानंतर पुन्हा एकदा योगी आदित्यनाथ यांनी कोल्हापूरमधून हा नारा दिला आहे.