Dheeraj Ghate Kasba : हिंदुत्ववादी सरकार हवंय, पण हिंदुत्ववादी कार्यकर्त्याला... उमेदवारी न मिळाल्यानं भाजपच्या धीरज घाटेंची नाराजी

Dheeraj Ghate on Kasba Vidhan Sabha : कसबा विधानसभा मतदारसंघातून भाजपकडून उमेदवारी कुणाला मिळणार याकडे सर्वांचं लक्ष लागून होतं. विधानसभा निवडणुकांसाठी सर्वच पक्षांकडून जागावाटपासाठी बैठकांचा सपाटा सुरू होता. त्यानंतर झालेल्या अंतिम निर्णयानंतर महायुतीतील भाजपने सुरूवातीला 99 जागांची पहिली यादी जाहीर केली. त्या यादीत कसब्यातून उमेदवार देण्यात आला नव्हता. तर दुसरीकडे काँग्रेसने मात्र पहिल्यांच यादीत कसब्यातून रवींद्र धंगेकर यांना उमेदवारी देण्यात आली. त्यामुळे भाजपकडून धंगेकरांविरोधात कोण लढणार याची उत्सुकता वाढली होती. भाजपची दुसरी यादी आली आणि या मतदारसंघातून पुन्हा एकदा हेमंत रासने यांना उमेदवारी मिळाली. त्यानंतर पुण्यात भाजपचा युवा आणि आक्रमक चेहरा म्हणून ओळख असलेल्या धीरज घाटे यांनी नाराजी व्यक्त करणारी पोस्ट केली आहे.