Vinod Tawde Vs Hitendra Thakur : "तावडेंनी 25 फोन केले, माफी मागितली, सोडा म्हणाले...", ठाकूर यांनी खळबळ उडवली

Hitendra Thakur Vs Vinod Tawde : राज्यात उद्या विधानसभा निवडणुकीचं मतदान पार पडणार आहे. कालच प्रचाराच्या तोफा थंडावल्या. या निवडणुकासाठी वेगवेगळ्या पक्षांचे अनेक बडे नेते सध्या महाराष्ट्रात आहे. त्यातच आज विनोद तावडे हे विरारमध्ये असताना एक धक्कादायक प्रकार समोर आला आहे, विनोद तावडे यांनी पैसे वाटप केल्याचा आरोप करत हितेंद्र ठाकूर यांच्या कार्यकर्त्यांनी त्यांना घेतलं असून, बरीच मोठी बाचाबाची झाली. विनोद तावडे यांना पैसे वाटताना पडकलं असून, त्यांच्यावर कारवाई झाली नाही तर त्यांना उद्या सकाळी दहा वाजेपर्यंत इथेच डांबून ठेवू असं हितेंद्र ठाकूर म्हणाले आहेत. विरार पूर्व परिसरात असलेल्या विवांत हॉटेलमध्ये हा सगळा प्रकार घडला असून, सध्या इथे वातावरण तापलेलं आहे.