Vinod Tawde : नालासोपाऱ्यात मोठा राडा! विनोद तावडेंच्या 'त्या' डायरीत काय?

विनोद तावडेंकडे सापडलेल्या डायरीत काय? 

बहुजन विकास आघाडीच्या कार्यकर्त्यांनी विनोद तावडेंकडून एक डायरी जप्त केली आहे. घटनास्थळी पोलिसांचा मोठा फौजफाटा तैनात करण्यात आला आहे. या हॉटेलमध्ये बविआचे उमेदवार क्षितीज ठाकूर स्वत: दाखल झालेले आहेत. ठाकूर यांच्याविरोधात भाजपचे राजन नाईक निवडणुकीच्या रिंगणात उतरले आहेत. पैसे कुणाला देण्यात आले आहेत? याचा तपशील तावडेंच्या डायरीत असल्याचं समजते. या डायरीत पैशांच्या संदर्भात माहिती असल्याचं सांगितलं जात आहे. 

हे ही वाचा >> Maharashtra Assembly Election 2024 Live : विनोद तावडेंना घेरलं, पैसे वाटताना पकडल्याचा आरोप

तावडेंवर जोपर्यंत कारवाई केली जात नाही, तोपर्यंत त्यांना बाहेर सोडणार नाही, अशी भूमिका बविआचे प्रमुख हिंतेंद्र ठाकूर यांनी घेतली आहे. जर कारवाई केली नाही, तर राजन नाईक आणि तावडे यांना आम्ही इथेच ठेवणार आहोत, असा इशाराही हिंतेंद्र ठाकूर यांनी दिला आहे. विवांता हॉटेलच्या दुसऱ्या मजल्यावर ही घटना घडलीय. कार्यकर्त्यांनी विनोद तावडेंना रोखून धरलं आहे. तुम्ही इथे कशासाठी आले आहात? असा सवाल तावडेंना विचारला जात आहे. कार्यकर्ते बॅगेतून पैसे काढून दाखवत असल्याचं व्हिडीओत पाहायला मिळत आहे. पैसे वाटण्यासाठीच तावडे इथे आले आहेत, असा आरोप कार्यकर्त्यांकडून केला जात आहे. पोलिसांकडूनही या कार्यकर्त्यांना रोखण्याचा प्रयत्न केला जात आहे. 

हे ही वाचा >> Today Gold Rate: निवडणुकीच्या धामधूमीत सोनं-चांदीनं केलंय मार्केट जाम! मुंबई-पुण्यात आजचा भाव काय?