Rahul Gandhi : पेंटर आणि दिवे बनवणाऱ्यांसोबत यंदा राहुल गांधींची दिवाळी, पण व्हिडीओतल्या 'या' खास गोष्टीची होतेय चर्चा

हे ही वाचा >>Nagpur : दहशतवाद्यांच्या टार्गेटवर विमानतळं, मी फक्त फडणवीसांनाच... देशभर धमकीचे मेल पाठवणारा सापडला, धक्कादायक माहिती समोर

काँग्रेसचे खासदार आणि लोकसभेचे विरोधी पक्षनेते राहुल गांधी यांनी नुकताच एक व्हिडीओ पोस्ट केलाय. यामध्ये ते दिवाळीला घरांना रंग देणारे आणि दिवे बनवणाऱ्यांसोबत काम करताना दिसतायत. हातात पेंटिंग ब्रश घेऊन कुंभाराच्या चाकावर मातीच्या वस्तू बनवण्याचं कामही राहुल गांधींनी केलं असल्याचं व्हिडिओमध्ये दिसतंय. राहुल गांधी यांनी कामगार आणि कुंभार बांधवांच्या दैनंदिन जीवनात येणाऱ्या अडचणी जाणून घेण्याचा प्रयत्न केला.

राहुल गांधी यांनी या व्हिडीओमध्ये कामगारांशी संवाध साधलाय. साधारणपणे आपण दिवाळी साजरी करतो, पण आपलं घर प्रकाशमय करणाऱ्यांना आपण कधीच भेटत नाही, त्यांच्याशी आपण कधीच बोलत नाही, त्यांचं जीवन आपल्याला कधीच समजत नाही. त्यामुळे यावेळी मी त्या लोकांना भेटण्याचा विचार केला, त्यांच्याशी बोलून त्यांच्या समस्या समजून घेतल्या, अशा शब्दात राहुल गांधींनी या व्हि़डीओसोबत आपल्या भावना व्यक्त केल्या.

हे ही वाचा >>Sanjay Raut : रश्मी शुक्ला आमचे फोन ऐकतायत... निवडणुकीच्या तोंडावर फोन टॅपिंगचे आरोप, राऊतांचा फडणवीसांवरही निशाणा

राहुल गांधींनी पोस्टमध्ये लिहिलंय की, "ज्यांच्या मेहनतीनं भारत उजळला, त्यांच्यासोबत दिवाळी!" राहुल गांधींनी अशा कामगारांना भेटून त्यांच्या समस्या जाणून घेण्याचा प्रयत्न करण्याची ही पहिलीच वेळ नाही. गेल्या अनेक दिवसांपासून ते लहान व्यवसाय करणाऱ्या लोकांना, ड्रायव्हर बांधवांना भेटतानाचा व्हिडिओ शेअर करताना दिसतात. त्यामुळे त्यांच्या या कामगार आणि कष्टकऱ्यांसोबत क्षण घालवण्याच्या या खास शैलीचं त्यांच्या समर्थकांकडून कौतुक होतंय.