ठाकरेंनी वाघ नखाचा मुद्दा तापवला, शरद पवारांनी विरोधाची धारच काढली, म्हणाले…

शरद पवार रविवारी जुन्नरमध्ये होते.यावेळी पार पडलेल्या पत्रकार परिषदेत शरद पवारांना वाघनखा संदर्भात प्रश्न विचारण्यात आला होता. यावर शरद पवार म्हणाले, राज्य सरकार ही वाघनखं तीन वर्षासाठी आणणार आहे. मला त्यामधलं काही ज्ञान नाही. पण इंद्रजित सावंत हे मराठी भाषेतील इतिहासाचे जाणकार आहेत. त्यांच काही वेगळं मत असेल तर त्याचा विचार केला पाहिजे असे शरद पवार म्हणाले आहेत. वाघनखाविषयी मला काहीही माहिती नाही. त्याबाबत वाद निर्माण करावा असेही मला वाटत नसल्याचेही शरद पवार यांनी सांगितले. त्यामुळे शरद पवार यांनी हे वक्तव्य करून ठाकरेंच्या या मुद्यावरील विरोधाची हवाच काढली आहे.

हे ही वाचा : Sai Baba Temple : शिर्डीत साई भक्तांची फसवणूक! बनावट देणगी पावती प्रकरण काय?

इंद्रजित सावंत काय म्हणाले?

इतिहास संशोधक इंद्रजित सावंत यांनी या वाघनखासंदर्भात म्हटलं आहे की, अफजल खानाच्या वधाच्या वेळेला जी वाघनखे नावाचं शस्त्र छत्रपती शिवाजी महाराजांनी वापरलं ते शस्त्र कुठलं आहे आणि कुठे आहे याविषयीची स्पष्टता इ.स. 1919 पर्यंत होती. हे शस्त्र सातारा छत्रपतींच्या शिलेखान्यात होतं. त्याविषयीच्या नोंदी देखील उपलब्ध आहेत. मात्र आता जे व्हिक्टोरिया अण्ड अल्बर्ट म्युझियममध्ये असलेली वाघनखे सरकार भारतात परत आणत आहेत ती अफजल खानाचा वध केलेली वाघनखे नाहीत, हे स्पष्ट आहे.

दरम्यान सांस्कृतिक मंत्री सुधीर मुनगंटीवार रविवारी रात्री ही वाघनखं आणण्यासाठी ब्रिटनला जाणार आहेत. ही वाघनखं फक्त तीन वर्षासाठी भारतात आणली जाणार आहेत. त्यानंतर सातारा, नागपूर आणि कोल्हापूर येथे देखील या नखाचं प्रदर्शन भरवण्यात येणार आहे.

हे ही वाचा : धक्कादायक! भाजपच्या महिला नेत्याने घरात घेतला गळफास