Anand Dighe Death: 'आनंद दिघेंचा घात झाला, त्यांना मारलं..', संजय शिरसाठांनी उडवून दिली खळबळ

'आनंद दिघेंना मारलं, त्यांचा घात झाला...', शिरसाठ नेमकं काय-काय म्हणाले?

'मी दिघे साहेबांच्या अपघातापासून सगळं पाहिलं आहे. ते अनुभवलंय आणि तिथे गेलेलो देखील आहे. दिघे साहेबांना जे आजपर्यंत मी जवळून पाहिलंय..' 

'अपघातनंतर जी परिस्थिती होती ती म्हणजे.. दिघे साहेबांच्या डोक्याला मार लागला होता का? नाही.. दिघे साहेब अस्वस्थ होते का? नाही... सर्व झाल्यानंतर त्यांना डिस्चार्ज देण्याची वेळ आली होती त्याचवेळेस त्यांना अचानक अटॅक आल्याचं का दाखवलं जातं? म्हणून आजही ठाणेकरांमधील जी काही ज्येष्ठ मंडळी आहेत ते आजही म्हणतात की, दिघे साहेबांचा घात झालाय, दिघे साहेबाला मारलं गेलं.'

हे ही वाचा>> Dharmaveer-2 सिनेमाची संपूर्ण कहाणी, शिंदे-ठाकरेंमध्ये तेव्हा नेमकं काय घडलेलं?

'आता संजय राऊतसारखं मी साक्षीदारच होतो हे म्हणण्याचं माझं धारिष्ठ नाही.. परंतु वेगवेगळे लोकं स्टोरी सांगतात की, त्यांना कोणतं तरी इंजेक्शन दिलं होतं. त्यानंतर रक्ताचा फुगा हृदयात तयार होतो त्यामुळे त्यांना अटॅक आला..' 

'यामुळे हृदयावर जो काही परिणाम होतो.. त्यात त्यांचा मृत्यू झाल्याचं त्यांचं म्हणणं आहे. म्हणून त्याची चौकशी त्या काळातच झाली पाहिजे होती. पण आजही मला वाटतं एकदा तरी उघड झालं पाहिजे.' 

'कोणी केलं असेल आणि का केलं असेल याची चौकशी झाली पाहिजे होते. आज आम्ही कोणावरही आरोप केले तर माझ्याकडे तसे पुरावे आहेत का? नाहीत.. मी कोणावर थेट आरोप नाही लावू शकत. परंतु जर याच्या खोलात गेलं तर त्याचे असलेले साक्षीदार कधी तरी बाहेर येतील. याची चौकशी झाली पाहिजे असं माझं मत आहे.'

हे ही वाचा>> Dharmveer 2 Collection : 'धर्मवीर 2' ने सगळेच रेकॉर्ड मोडले, पहिल्या दिवशी जमवला 'इतक्या' कोटीचा गल्ला

'मी निवडणुकीच्या तोंडावर बोलत नाहीए. धर्मवीर-1 आला होता त्या दिवशी पण बोललो होतो. आताही बोलतोय आणि भविष्यातही बोलेन.' 

'आता वस्तुस्थिती यांना काय माहिती? तसा सीन मुळात आहे. आनंद दिघेंना मारलं गेलं हे संपूर्ण ठाणे जिल्हा जाणतोय.' असे अत्यंत गंभीर आरोप संजय शिरसाठ यांनी केलं आहे.