Beed Crime News : बीडमध्ये चाललंय तरी काय? अजित पवार NCP च्या माजी नगरसेविकेच्या पुत्रानं कर्मचाऱ्याला मारलं

Beed Crime News : बीडमध्ये गेल्या काही दिवसांपासून घडत असलेल्या घडामोडींमुळे कायदा व सुव्यवस्थेबद्दलचा प्रश्न निर्माण झाला आहे. संतोष देशमुख हत्या प्रकरणानंतर बीडमधील कायदा सुव्यवस्थेचे लख्तरं वेशीवर टांगले आहेत. अशातच आता आणखी एक प्रकार समोर आला आहे. परळी नगरपरिषद कार्यालयात शासकीय कामकाज करत असताना एका माजी नगरसेवकासह अन्य तीन जणांनी येऊन कर्मचाऱ्याशी हुज्जत घातली आणि जातिवाचक शिवीगाळ करत मारहाण केली अशा प्रकारची फिर्याद नगर परिषद कर्मचाऱ्याने दिली असुन याप्रकरणी तीन जण व अन्य अनोळखींविरुद्ध गुन्हा दाखल करण्यात आला आहे. या घटनेचं सीसीटीव्ही सध्या चांगलंच व्हायरल होतंय.