Maharashtra Vidhan Sabha : अजित पवारांच्या 'राष्ट्रवादी'बद्दल भाजपचं काय ठरलं?

भाजपचे महाराष्ट्र प्रभारी भूपेंद्र यादव आणि सहप्रभारी अश्विनी वैष्णव यांच्या उपस्थिती कोअर कमिटीची बैठक पार पडली. या बैठकीला देवेंद्र फडणवीस, चंद्रशेखर बावनकुळे, पंकजा मुंडे, रावसाहेब दानवे यांच्यासह पक्षाचे प्रमुख नेते उपस्थिती होते. 

एकनाथ शिंदे-अजित पवारांबद्दल भाजपची भूमिका काय?

या बैठकीत महाराष्ट्र प्रभारींनी सांगितले की, स्वबळावर लढण्याचा विचार करू नका. शिवसेना आणि अजित पवारांच्या ऱाष्ट्रवादी काँग्रेसला सोबत घेऊनच आपल्याला विधानसभा निवडणुकीला सामोरे जायचे आहे.

हेही वाचा >> "क्रॉस व्होटिंगमध्ये माझे नाव आल्याचे पाहिले अन्...", आमदार चौधरींनी सोडलं मौन 

एकनाथ शिंदे आणि अजित पवार या दोघांना सोबत घेऊन पुढे जायचे आपले वचन आहे. ते पूर्ण करायचे आहे. पक्ष नेतृत्वाचीही तीच भूमिका आहे. जागावाटपाचा फॉर्म्युला पक्षश्रेष्ठींशी चर्चा करून तसेच एकनाथ शिंदे-अजित पवारांना विश्वासात घेऊन ठरवण्यात येईल, असे यादव यांनी या बैठकीत सांगितले. 

बैठकीत काय झाली चर्चा?

लोकसभा निवडणुकीत अजित पवारांच्या राष्ट्रवादी काँग्रेसच्या काही नेत्यांमुळे दिंडोरी, सातारा, पुणे, सांगली, सोलापूर आणि बुलढाण्यात फटका बसल्याचा मुद्दा काही नेत्यांनी मांडला. त्याचबरोबर शिंदेंच्या शिवसेनेतील नेत्यांमुळे जालना आणि पालघरमध्ये फटका बसल्याचा आरोप करण्यात आला. यावर वेळीच उपाययोजना केल्या नाही, तर विधानसभा निवडणुकीत फटका बसेल, अशी चिंता या व्यक्त करण्यात आली.

हेही वाचा >> शरद पवारांना मोठा दिलासा, निवडणूक आयोगाचा मोठा निर्णय 

जिथे अशा प्रकारच्या तक्रारी आहेत. तिथे परिस्थिती बदलण्यासाठी मुख्यमंत्री एकनाथ शिंदे आणि अजित पवार यांच्याशी चर्चा करण्यात यावी, असेही भूपेंद्र यादव यांनी बैठकीत सांगितल्याची माहिती सूत्रांनी दिली.