भाजप आमदाराच्या ताफ्यातील कारची दुचाकीला धडक, एका व्यक्तीचा जागीच मृत्यू

BJP Mla Jaykumar Gore Car Accident : भाजप आमदार जयकुमार गोरे यांच्या ताफ्यातील कारने दुचाकीला धडक दिल्याची धक्कादायक घटना घडली आहे. या अपघातात एक व्यक्तीचा जागीच मृत्यू झाला आहे. भाजप आमदार गोरे जनसंवाद दौऱ्यासाठी बोराटवाटी येथील निवासस्थानातून बाहेर पडल्यावर त्यांच्या ताफ्यातील कार भरधाव वेगानं जात होत्या. त्याचदरम्यान शेरेवाडी येथून निघालेल्या एका दुचाकीला गोरे यांच्या ताफ्यातील कारने धडक दिली, या अपघातात एका व्यक्तीचा जागीच मृत्यू झाला आहे, अशी प्राथमिक माहिती आहे.