Eknath Shinde: "माझ्या मतदारांना त्रास देण्याचा प्रयत्न कराल, तर गाठ माझ्याशी...", उपमुख्यमंत्री शिंदेंचा उद्धव ठाकरेंवर निशाणा

Eknath Shinde On Uddhav Thackeray : "जो माणूस पराभूत झालाय, तो काहीतरी त्रास देतोय, पण गाठ या एकनाथ शिंदेंशी आहे. माझ्या शेतकऱ्यांना, माझ्या कष्टकऱ्यांना आणि मतदारांना त्रास देण्याचा प्रयत्न कराल, तर गाठ माझ्याशी आहे. कारण मी जे बोलते ते करून दाखवतो. मी एकदा कमिटमेंट केली तर स्वत:चंही ऐकत नाही. 2022 ला आपण या राज्यात मोठा उठाव केला. मोठी क्रांती घडली. फक्त देशातही नाही तर जगातील 30-40 देशांनी त्याची नोंद घेतली. सत्तेतून आम्ही पायउतार झालो. लोक सत्तेकडे जातात. मी मंत्री होतो, माझ्यासोबत अनेक मंत्री होते. सत्तेतून आम्ही पायउतार झालो. कारण बाळासाहेबांच्या शिवसेनेला काँग्रेसच्या दावणीला बांधण्याचं काम काही लोक करत होते. 2019 ला शिवसेना आणि धनुष्यबाण काँग्रेसच्या दावणीला बांधण्याचं काम केलं. हिंदूत्वाचे विचार सोडले आणि शिवसैनिकांचं खच्चीकरण झालं. धनुष्यबाण हा गहाण पडला आणि तो वाचवण्यासाठी शिवसेना वाचवण्यासाठी या एकनाथ शिंदेंने उठाव केला आणि तुमच्या मनातील सरकार या एकनाथ शिंदेने आणलं"", असं म्हणत राज्याचे उपमुख्यमंत्री एकनाथ शिंदे यांनी उद्धव ठाकरेंवर अप्रत्यक्षपणे टीका केली. ते जालन्यात शिवसेनेच्या आभार सभेत बोलत होते.