Delhi New CM Net Worth: ना घर, ना जमीन... तरीही करोडपती आहेत दिल्लीच्या नव्या CM अतिशी
Delhi CM Atishi : दिल्लीच्या मुख्यमंत्री म्हणून अतिशी मार्लेना यांच्या नावाची घोषणा करण्यात आली आहे. अरविंद केजरीवाल यांच्या राजीनाम्यानंतर मुख्यमंत्री कोण होणार? याची प्रचंड चर्चा रंगली होती.
ADVERTISEMENT
Delhi CM Atishi : दिल्लीच्या मुख्यमंत्री म्हणून अतिशी मार्लेना यांच्या नावाची घोषणा करण्यात आली आहे. अरविंद केजरीवाल यांच्या राजीनाम्यानंतर मुख्यमंत्री कोण होणार? याची प्रचंड चर्चा रंगली होती. अशावेळी अतिशी मार्लेना यांचं नाव आज (17 सप्टेंबर) मुख्यमंत्री पदासाठी निश्चित झालं आहे. याआधी आम आदमी पक्षाच्या विधिमंडळ पक्षाच्या बैठकीत दोन नावांवर चर्चा सुरू होती, त्यामध्ये अतिशी यांच्या व्यतिरिक्त कैलाश गेहलोत यांचे नाव आघाडीवर होते, मात्र बैठकीत अतिशी यांचे नाव निश्चित करण्यात आले. अतिशी यांनी परदेशातून उच्च शिक्षण घेतलेलं आहे. जर त्यांच्या संपत्तीबद्दल बोलायचं झालं तर, ना त्यांच्याकडे जमीन आहे ना दागिने आहेत तरीही त्या करोडपती कशा आहेत जाणून घेऊयात. (delhi new cm atishi to be new chief minster of delhi know about her net worth in details)
ADVERTISEMENT
हेही वाचा : Maharashtra Breaking News : मोठी बातमी! दिल्लीच्या मुख्यमंत्रीपदी अतिशी, अरविंद केजरीवाल यांनी केली घोषणा
दिल्लीच्या नवीन मुख्यमंत्रींकडे 1.41 कोटींची संपत्ती
अतिशी मार्लेना यांनी कालकाजी दक्षिण दिल्लीतून निवडणूक जिंकली होती. त्यांच्या नेटवर्थबद्दल बोलायचं झालं तर, MyNeta वर शेअर केलेल्या निवडणूक प्रतिज्ञापत्रानुसार, त्याच्याकडे 1.41 कोटी रुपयांची संपत्ती आहे, पण दिल्लीच्या करोडपती मंत्री असूनही, त्यांच्यावर कोणतंही कर्ज नाहीये.
2020 च्या दिल्ली विधानसभा निवडणुकीदरम्यान त्यांनी निवडणूक आयोगासमोर मालमत्तेचा तपशील सादर केला होता. त्यांनी सांगितले होते की त्यांच्याकडे सुमारे 30,000 रुपये रोख आहेत, तर बँक ठेवी आणि एफडी एकूण 1.22 कोटी रुपये आहेत.
हे वाचलं का?
LIC ची फक्त एक पॉलिसी, शेअर बाजारापासून चार हात लांब...
दिल्लीच्या नव्या मुख्यमंत्री अतिशी यांची बहुतेक संपत्ती त्यांच्या बँक खात्यात आणि मुदत ठेवींमध्ये (फिक्स्ड डिपॉजिट) आहे. त्याचबरोबर करोडपती असूनही अतिशी शेअर बाजार किंवा बाँड मार्केटपासून चार हात लांब ठेवतात. अतिशी यांनी शेअर्समध्ये कोणतीही गुंतवणूक केलेली नाही. फक्त त्यांच्या नावावर एक 5 लाख रुपयांची एलआयसी आरोग्य विमा पॉलिसी आहे.
2019 च्या लोकसभा निवडणुकीत गौतम गंभीरकडून अतिशींचा झाला होता पराभव
2012 मध्ये भ्रष्टाचारविरोधी आंदोलनादरम्यान राजकारणात प्रवेश करणाऱ्या अतिशी मार्लेना आम आदमी पार्टी (AAP) च्या संस्थापक सदस्यांपैकी एक आहेत. 2019 च्या लोकसभा निवडणुकीत, त्या पूर्व दिल्लीच्या जागेवरून देखील उमेदवार होत्या, परंतु भाजपच्या गौतम गंभीरने त्यांचा पराभव केला होता. यानंतर, 2020 मध्ये, पक्षाने अतिशी यांच्यावर पुन्हा विश्वास व्यक्त केला, तेव्हापासून त्या दिल्लीच्या कालकाजी विधानसभा मतदारसंघातून आम आदमी पक्षाच्या आमदार आहेत. अतिशी मार्लेना यांच्याकडे 1 कोटी रुपयांपेक्षा जास्त संपत्ती असूनही त्यांच्या नावावर ना स्वत:चे घर आहे ना कोणतीही जमीन आहे.
ADVERTISEMENT
हेही वाचा : Anant Chaturthi 2024: 'या' शुभ मुहूर्तावर करा बाप्पाचं विसर्जन! जाणून घ्या योग्य पूजा-विधी
ऑक्सफर्डमधून मिळवली पदव्युत्तर पदवी
आम आदमी पक्षाच्या आमदार अतिशी मार्लेना यांचा जन्म ८ जून १९८१ रोजी दिल्लीत झाला. अतिशी यांच्या आईचे नाव तृप्ता वाही आणि वडिलांचे नाव विजय कुमार सिंह असून ते दिल्ली विद्यापीठात प्राध्यापक होते. अतिशी यांनी शालेय जीवनात त्यांच्या नावाला मार्क्स आणि लेनिनपासून बनवलेला 'मार्लेना' हा शब्द जोडला होता. त्यामुळे त्यांचे नाव अतिशी मार्लेना ठेवण्यात आले. त्या मूळच्या पंजाबी राजपूत आहेत. अतिशी यांनी दिल्लीच्या स्प्रिंगडेल स्कूलमध्ये शिक्षण घेतले, त्यानंतर त्यांनी सेंट स्टीफन कॉलेजमधून बॅचलर डिग्री मिळवली. डीयूमधून शिक्षण घेतल्यानंतर त्यांना रोड्स स्कॉलरशिप मिळाली आणि ऑक्सफर्ड युनिव्हर्सिटी लंडनमधून त्यांनी मास्टर्स केले.
ADVERTISEMENT
ADVERTISEMENT
ADVERTISEMENT