Santosh Deshmukh Murder Case: "वाल्मिक कराड आणि धनंजय मुंडे यांना वाचवण्याचं...", जितेंद्र आव्हाडांच्या विधानाने खळबळ

जितेंद्र आव्हाडांनी धनंजय मुंडेवर केले गंभीर आरोप

वाल्मिक कराड आणि धनंजय मुंडे यांना वाचवण्याचं काम हे सरकार करतंय का? धनंजय मुंडे सरकारमध्ये आहेत. तुम्ही वाल्मिक कराडची चौकशी कसली करता? तुमच्या बरोबर फोटो आहेत, पण आम्हाला माहितीय तुमचा आणि त्यांचा काहीही संबंध नाही. मुख्यमंत्र्यांना असं म्हणायचंय का धनंजय मुंडे आणि वाल्मिक कराडचा काहीही संबंध नाही. वाल्मिक कराड सीरियल कीलर आहे. तो विकृत आहे. रामन राघव ज्या मानसिकतेचा होता, त्याच मानसिकतेचा वाल्मिक कराड आहे. एकीकडे दाखवायचं मी न्यायालयीन चौकशी करतोय. एसआयटी करतोय. एसआयटीचा अधिकारी धनंजय मुंडेंसमोर तोंड उघडेल का? तुम्ही वाल्मिक कराडला मोकळं सोडून टाकलत. ज्या खंडणीतून ही हत्या झाली, ती खंडणी वाल्मिक कराडने मागीतली आहे. जर वाल्मिक कराड मुख्य आरोपी आहे, तर त्याला वाचवण्याचं काम कशासाठी? आणि स्वत: मंत्री महोदय ताठ मानेने जगाला सांगतायत की  वाल्मिक कराड माझा खास माणूस आहे. हे टीव्हीवर स्वत: धनंजय मुंडे येऊन सांगत आहेत. 

हे ही वाचा >> Kalyan Marathi Family: 'माजोरड्यांचा माज उतरवल्याशिवाय...', फडणवीसांनी एका झटक्यात 'त्या' अधिकाऱ्याला...

संतोष देशमुख हत्या प्रकरणावर धनंजय मुंडे काय म्हणाले?

विरोधकांनी काही बोललं की मग माझ्याकडून काहीतरी जाणार.. मग त्यामध्ये नक्कीच मुख्यमंत्र्यांना उत्तर द्यायला अडचण होणार..एकदा दूध का दूध, पाणी का पाणी कळावं..आणि ते माननीय मुख्यमंत्र्यांच्या उत्तरातून कळालं आहे. मी सुरुवातीपासून म्हणतोय, हे व्यवहारातून झालेलं भांडण आहे. ज्यामुळे संतोष देशमुखांची निर्घृण हत्या झाली आहे. अशाप्रकारे हत्या झाली आहे की, त्याचं समर्थन कुणीच करू शकत नाही. त्यामुळे सर्वच आरोपी अटक झालेले आहेत. या प्रकरणात आमच्या सर्वांचीच तीव्र भावना होती. त्यात एसआयटी नेमली आहे. सीआयडी नेमल्यानंतर आता शेवटपर्यंत याचा तपास होणार आहे. यामध्ये मोकोका लावण्याच्या बाबतीत मुख्यमंत्री जे काही बोलले, त्यात सर्वांच समाधान झालेलं आहे. माझ्यावर आरोप करण्याचे अनेक प्रकार या सदनात घडले आहेत. या सर्व गोष्टींमध्ये दूध का दूध पाणी का पाणी निघणार आहे. 

हे ही वाचा >> Sanjay Raut : "जीवाला धोका निर्माण झाला, तरी...", घराच्या रेकी प्रकरणावरून खासदार संजय राऊत संतापले