BMC: उद्धव ठाकरेंना घेरलं, ‘त्या’ प्रकरणी फडणवीसांकडून प्रचंड मोठी घोषणा
राज्याचे उपमुख्यमंत्री देवेंद्र फडणवीस यांनी आज (19 जून) कल्याणमध्ये एका जाहीर सभेत सांगितलं की, मुंबई महापालिकेत झालेल्या 12 हजार कोटींच्या घोटाळ्याप्रकरणी SIT ची स्थापना करण्यात आली आहे.
ADVERTISEMENT
कल्याण: राज्याचे उपमुख्यमंत्री देवेंद्र फडणवीस (Devendra Fadnavis) यांनी आज (19 जून) कल्याणमध्ये एका जाहीर सभेत एक मोठी घोषणा करत शिवसेना (UBT)चे पक्षप्रमुख उद्धव ठाकरे (Uddhav Thackeray) यांना आता घेरण्याची सुरुवात केली आहे. मुंबई महापालिकेच्या (BMC) कोरोना (Corona) काळातील जी नॉन-कोव्हिड कामं (Non-Covid Work) झाली होती त्याच्या 12 हजार कोटींच्या कामाबाबत कॅगकडून (CAG) अहवाल जारी करण्यात आला होता. ज्यामध्ये घोटाळा झाल्याचं आरोप करण्यात आल्यानंतर याच प्रकरणी आता SIT नेमण्यात आल्याचं फडणवीसांनी जाहीर केलं. (uddhav thackeray bmc cag audit 12 thousand crore rupees scam shiv sena ubt bjp devendra fadnavis)
ADVERTISEMENT
देवेंद्र फडणवीसांकडून SIT ची घोषणा
‘आजच महाराष्ट्राचे मुख्यमंत्री एकनाथ शिंदे यांनी याठिकाणी मुंबईच्या महानगरपालिकेत कॅगच्या अहवालात आलं आहे की, साडेबारा हजार कोटी रुपयांचा घोटाळा त्याठिकाणी शिवसेनेच्या, उद्धवजींच्या नेतृत्वात झाला. आजच एकनाथ शिंदे यांनी एसआयटी तयार केली आहे. त्या एसआयटीच्या माध्यमातून जो जनतेचा पैसा तुम्ही तुमच्या तिजोरीत नेलाय त्यातील पै-पै परत आणण्याचं काम आमचं सरकार निश्चितपणे करेल.’ असं देवेंद्र फडणवीस यावेळी म्हणाले.
यावेळी देवेंद्र फडणवीस यांनी पहिल्यांदाच उद्धव ठाकरेंचं थेट नाव घेत घोटाळा केल्याचा आरोप केला आहे. त्यामुळे आता उद्धव ठाकरेंच्या अडचणीत वाढ होण्याची शक्यता वर्तवली जात आहे.
हे वाचलं का?
ADVERTISEMENT
मुंबई महापालिकेच्या 12 हजार कोटींच्या कामांबाबत कॅगने काय ठेवलाय ठपका?
CAG चौकशी करण्याचा 31 ऑक्टोबर, 2022 चा आदेश
• मुंबई महापालिकेतील कामांची चौकशी
• 12,023.88 कोटी रूपयांचा BMC च्या 9 विभागांनी केलेला खर्च.
• 28 नोव्हेंबर, 2019 ते 31 ऑक्टोबर, 2022 या कालावधीतील कामे.
• स्पेशल ऑडीटला 14 नोव्हेंबर, 2022 रोजी CAG ची मंजुरी
• BMC ने कोविड कायद्याचा आधार घेत 3538.73 कोटींची चौकशी न करण्याची भूमिका घेतली.
CAG ची निरीक्षणे
1. BMC ने 2 विभागांची 20 कामे (214.48 कोटी) टेंडर न काढता दिली.
2. 4755.94 कोटींची कामे एकूण 64 कंत्राटदार आणि BMC यांच्यात करार नसल्याने एक्झिक्युट झाली नाही. करार नसल्याने BMC ला कारवाईचा अधिकार नाही.
3. 3355.57 कोटींच्या 3 विभागांच्या 13 कामांमध्ये थर्ड पार्टी ऑडिटरची नियुक्ती नाही. त्यामुळे कामे कशी झाली, हे पाहणारी यंत्रणा नाही.
ADVERTISEMENT
कॅगने काय म्हटले?
• पारदर्शकतेचा अभाव.
• सिस्टीमॅटिक प्रॉब्लेम
• ढिसाळ नियोजन
• निधीचा निष्काळजीपणे वापर
ADVERTISEMENT
• दहीसर मधील 32,394.90 चौरस मीटर जागा (बागेचा/ खेळाचे मैदान/ मॅटर्निटी होम यासाठी 1993 च्या डी.पी. प्रमाणे राखीव).
• डिसेंबर 2011 मध्ये अधिग्रहणाचा BMC चा ठराव.
• अंतिम भूसंपादन मूल्यांकन : ₹349.14 कोटी.
• 2011 पेक्षा 716 % अधिक / 206.16. कोटी रू.
• या जागेवर अतिक्रमण.
• आता पुनर्वसनावर आर्थिक भार ₹77.80 कोटी.
• त्यात आणखी वाढ होण्याची शक्यता.
• या निधीचा BMC ला कोणताही फायदा नाही.
माहिती तंत्रज्ञान विभाग-BMC
• SAP implementation: ₹159.95 कोटींचा कंत्राट निविदा न मागविताच पूर्वीच्याच कंत्राटदाराला देण्यात आले.
• मे SAP India Ltd. यांना वर्षाकाठी ₹37.68 कोटी मेंटेन्ससाठी दिले. पण या बदल्यात कोणत्याही सेवा नाहीत, हे धडधडीत नुकसान.
• याच SAP कडे कंत्राट, निविदा प्रक्रिया हाताळण्याचे काम.
• 2019 ला फॉरेन्सिक ऑडिट यात मॅन्युपुलेशनला गंभीर वाव – असा अहवाल पण कोणतीच कारवाई त्यावर नाही.
ब्रीज विभाग- BMC
• डॉ. ई मोसेस रोड आणि केशवराव खाडे मार्ग (महालक्ष्मी रेल्वे स्थानक)
• मान्यता नसताना अतिरिक्त कामे
• कंत्राटदाराला BMC कडून अतिरिक्त फेवर
• निविदा अटींचे उल्लंघन करीत ₹27.14 कोटींचे लाभ.
• 16 मार्च, 2022 पर्यंत 50 % काम पूर्ण होणे अपेक्षित असताना केवळ 10 % काम.
संजय गांधी राष्ट्रीय उद्यान 4.3 कि.मी. चे Twin Tunnel.
• वन विभागाची अंतिम मान्यता न घेतल्याने
• जानेवारी 19 पासून ऑगस्ट 2022 पर्यंत किंमत 4500 कोटींकडून 6322 कोटींवर.
परेल टीटी फ्लाय ओव्हर
• 1.65 कोटींचे अतिरिक्त काम निविदा न मागविता.
गोपाळकृष्ण गोटवले पूल, अंधेरी
• 9.19 कोटींचे काम विनाटेंडर
• पूल पाडण्यासाठी द्यायचे होते 15.50 कोटी प्रत्यक्षात दिले 17.49 कोटी.
रस्ते आणि वाहतूक
• 56 कामांचा CAG कडून अभ्यास
• 52 पैकी 51 कामे कुठलाही सर्वे न करता निवडली सिमेंट काँक्रीटीकरण
• 54.53 कोटींची कामे निविदा न मागविता जुन्या कामांना जोडण्यात आली.
• M-40 साठी मायक्रो सिलिका हा घटक वापरला जातो. तो बिलात दाखविला जातो. पण 2.40 कोटींचा मायक्रो सिलिका वापरलाच नाही.
• संगणीकृत अहवालात हस्ताक्षराने नोंदी घेण्यात आल्या.
• कंत्राटदारांना 1.26 कोटींचा लाभ देण्यात आला.
आरोग्य विभाग
• KEM हॉस्पीटलमधील अंडर ग्रॅज्युएट/ पोस्ट ग्रॅज्युएट होस्टेल टॉवर बांधकाम जिल्हाधिकाऱ्यांच्या परवानगीविना. त्यामुळे 2.70 कोटींचा दंड.
मिठी नदी प्रदूषण नियंत्रण
• जुलै 2019 मध्ये 4 विविध कामे 4 विविध कंत्राटदारांना/ 24 महिन्यांच्या कालावधीत असा BMC चा निर्णय
• पण प्रत्यक्षात 4 ही कामे एकाच कंत्राटदाराला
मालाड Influent pumping station
• 464.72 कोटींचे काम अपात्र निविदाधारकाला
• 3 वर्षासाठी अपात्र हे ठावूक असूनही
• Malafide intentions cannot be ruled out. असे CAG चे निरीक्षण
सॉलिड वेस्ट मॅनेजमेंट
• जागतिक निविदा- वेस्ट टू एनर्जी 3000 टन / प्रतिदिवस क्षमता.
• ही अट 600 टन / प्रतिदिवस करण्यात आली.
• मे. चेन्नई MSW Pvt. Ltd. ला काम देण्यात आले.
• 648 कोटी रूपयांचे काम
• आतापर्यंत 49.12 कोटींचे पेमेंट
ADVERTISEMENT