Uddhav Thackeray : "आयएएस ऑफिसर म्हणताहेत, साहेब लवकर या", ठाकरे मेळाव्यात काय बोलले?

मुंबईमध्ये महाविकास आघाडीचा पहिला मेळावा पार पडला. या मेळाव्यात उद्धव ठाकरेंनी महायुती सरकारमध्ये समन्वय नसल्याचा दावा केला. त्याचबरोबर योजनांची घोषणा केली, पण सरकारकडे पैसे नसल्याचेही ठाकरे म्हणाले. 

न्यायालयाने यांना फटकारतंय, ठाकरेंची महायुतीवर टीका

उद्धव ठाकरे म्हणाले, आता तर अशी माहिती मिळतेय की, घोषणा तर केल्या. लाडकी बहीण... पैसे कुठून आणायचे? न्यायालय त्यांना फटकारतंय की, इकडे नुकसान भरपाई द्यायला पैसे नाहीत, लाडक्या बहिणीची योजना थांबवू का?", असे म्हणत ठाकरेंनी महायुती सरकार लक्ष्य केले.

हेही वाचा >> ठाण्यातून लढणार की वरळीतून? आदित्य ठाकरेंचा निर्णय झाला 

आयएएस अधिकाऱ्यांबद्दल ठाकरे काय बोलले?

"सगळेच मुख्यमंत्री, उपमुख्यमंत्री... कुणाचं काय, कुणाचा पायपूस कुणामध्ये नाही. चिडचिड चाललीये. अनेक जे आयएएस ऑफिसर आहेत, ते मला सांगत आहेत की, साहेब लवकर या तुम्ही. लवकर या", असे उद्धव ठाकरे निर्धार मेळाव्यात म्हणाले.

हेही वाचा >> महाराष्ट्रातील 'राज'कारण पडद्यावर झळकणार? राज ठाकरेंचा बायोपिक येणार?  

"यांची जी दडपशाही चालली आहे. दमदाटी चालली आहे. आपले हे मिंधे सांगताहेत की, मी चांगलं सांगतोय तोपर्यंत ऐका नाही, तर दुसरं रुप दाखवावं लागेल. अरे तुमचं रुप दुसरं काय आहे, हे सुद्धा लोकांमध्ये पोहोचवण्याचे काम तुमचं (मविआ कार्यकर्ते) आहे", असे टीकास्त्र ठाकरेंनी शिंदेंवर डागले.   

15 लाखांचे 1500 रुपये का झाले? ठाकरेंचा सवाल

"याचं खरं रुप आहे गद्दार. सरकार पाडायला ५० खोके, लाडक्या बहिणीला १५०० रुपये. मोदींनी म्हटलं होतं, १५ लाख तुमच्या अकाऊंटमध्ये येतील. १५ लाखांचे १५०० का झाले?", असा चिमटाही ठाकरेंनी मोदी आणि शिंदेंना काढला.