Udhhav Thackeray : उद्धव ठाकरेंच्या सभेदरम्यान ठाण्यात तुफान राडा, काय घडलं?

सभेसाठी उद्धव ठाकरे यांचा ताफा येत असताना नारळ आणि बांगड्या फेकल्याची घटना घडली आहे. याचसोबत मनसे आणि शिंदेंच्या सेनेकडून ठाकरेंविरोधात घोषणाबाजी करण्यात आल्या आहेत. तसेच उद्धव ठाकरे ज्या सभागृहात सभा घेणार आहेत. त्या सभागृहाबाहेर मनसे कार्यकर्त्यांनी निदर्शने केली आहेत. त्यानंतर मनसेच्या अनेक महिला व पुरुष कार्यकर्त्यांना ठाणे पोलिसांनी ताब्यात घेतले आहे. तसेच पोलीस आणि यूबीटी सेनेला मनसेचे कार्यकर्तेही आत असण्याची शक्यता आहे, त्यामुळे सभागृहातही गोंधळ उडाला आहे.

हे ही वाचा : Parambeer Singh : ''ठाकरे पवारांच्या घरी बैठका, फडणवीसांसह 'या' नेत्यांना अटक करण्याचा होता प्लॅन''

ठाकरेंच्या सभास्थळी आज दोन्ही गटाचे लोकं एकमेकांसमोर आले आहेत. पोलिसांकडून परिस्थिती नियंत्रणात आणण्याचा प्रयत्न सुरु आहे. कालच राज ठाकरे यांच्या गाडीवर सुपारी फेकून उद्धव ठाकरे गटाच्या नेत्यांकडून आणि कार्यकर्त्यांकडून घोषणाबाजी करण्यात आली होती. त्यामुळेच आज उद्धव ठाकरे यांच्या मेळाव्याआधी मनसेचे कार्यकर्ते आक्रमक झाले आहेत.

दरम्यान राडा करणाऱ्या कार्यकर्त्यांना पोलिसांनी ताब्यात घेतले आहे. ठाण्यात सकाळपासून मोठा पोलीस बंदोबस्त तैनात करण्यात आला आहे. सकाळपासूनच अशा प्रकारे काही तरी गोंधळ घातला जाऊ शकतो असा पोलिसांना संशय होता. त्यामुळे मुंबईपासून ठाण्यापर्यंत सगळीकडे मोठा पोलीस बंदोबस्त तैनात करण्यात आला होता.

हे ही वाचा : Raj Thackeray : राज ठाकरेंकडून अजित पवारांचं कौतुक, नेमकं काय म्हणाले?