Personal Finance: ATM मधून पैसे काढणे होणार महाग, 1 मे पासून मोजावे लागणार 'एवढे' पैसे

होम नेटवर्कबाहेर ATM वापरणे होईल महाग

1 मे पासून लागू होणाऱ्या नवीन नियमांनुसार, जर तुम्ही तुमच्या तुमच्या बँकेच्या नेटवर्क व्यतिरिक्त इतर कोणत्याही बँकेच्या एटीएममधून पैसे काढले किंवा बॅलन्स तपासला तर तुम्हाला वाढीव शुल्क भरावे लागेल. सध्या, होम नेटवर्कच्या बाहेर एटीएम वापरण्यासाठी शुल्क आकारले जाते, परंतु आता हे शुल्क आणखी वाढणार आहे. हा बदल एनपीसीआयच्या प्रस्तावावर आधारित आहे, ज्याला आरबीआयने मान्यता दिली आहे.

हे ही वाचा>> Personal Finance: घर खरेदी करावं की भाड्याने घ्यावं.. काय चूक, काय बरोबर? 'हा' फॉर्म्युला ठेवा लक्षात?

शुल्क किती वाढेल?

नवीन नियमांनुसार, जर तुम्ही तुमच्या बँकेव्यतिरिक्त इतर कोणत्याही बँकेच्या ATM मधून पैसे काढले तर आतापर्यंत प्रत्येक व्यवहारासाठी तुम्हाल 17 रुपये शुल्क आकारले जात होते, जे आता 19 रुपये होईल. त्याच वेळी, बॅलन्स तपासण्याचे शुल्क प्रत्येक वेळेस 6 रुपयांवरून 7 रुपये होईल. ही वाढ मोफत ट्रान्जेक्शन मर्यादेपेक्षा जास्त असलेल्या व्यवहारांवर लागू होईल.

मोफत ट्रान्जेक्शन मर्यादा किती आहे?

बँकांनी मोफत ट्रान्जेक्शनवर मर्यादा घातली आहे. महानगरांमध्ये, तुमच्या होम बँकेव्यतिरिक्त इतर बँकांच्या ATM मधून तुम्ही 5 मोफत ट्रान्जेक्शनची परवानगी आहे, तर नॉन-मेट्रो शहरांमध्ये ही मर्यादा 3 ट्रान्जेक्शनची आहे. जर ट्रान्जेक्शन या मर्यादेपेक्षा जास्त असतील तरच नवीन शुल्क लागू होईल.

हे ही वाचा>> Personal Finance: झटपट व्हाल तुम्ही कर्जमुक्त, 'या' Tips फॉलो करा अन् पाहा चमत्कार

व्हाईट लेबल ATM ऑपरेटर्सची मागणी

व्हाईट लेबल ATM ऑपरेटर बऱ्याच काळापासून इंटरचेंज फी वाढवण्याची मागणी करत होते. सततच्या वाढत्या ऑपरेटिंग खर्चाच्या पार्श्वभूमीवर सध्याचे शुल्क अपुरे असल्याचे ते म्हणतात. या मागणीला लक्षात घेऊन, NPCI ने एक प्रस्ताव मांडला होता, ज्याला आता RBI ने हिरवा कंदील दाखवला आहे. तथापि, या निर्णयामुळे लहान बँकांवर दबाव वाढू शकतो, कारण त्यांच्या मर्यादित एटीएम नेटवर्कमुळे ते इतर बँकांच्या एटीएमवर अधिक अवलंबून आहेत.

इंटरचेंज फी म्हणजे काय?

इंटरचेंज फी म्हणजे एका बँकेने दुसऱ्या बँकेच्या एटीएममधून पैसे काढल्यावर दुसऱ्या बँकेला दिलेली रक्कम. या शुल्कात वाढ केल्याने थेट ग्राहकांवर परिणाम होईल, कारण बँका हा अतिरिक्त खर्च फक्त ग्राहकांकडूनच आकारतात.

ग्राहकांसाठी सल्ला

जर तुम्ही वारंवार ATM मधून पैसे काढत असाल तर तुमच्या होम बँकेच्या ATM चाच वापर करण्याचा प्रयत्न करा. तसेच, अतिरिक्त शुल्क टाळण्यासाठी मोफत व्यवहार मर्यादा लक्षात ठेवा. डिजिटल पेमेंट पर्यायांचा अवलंब करणे हा देखील एक चांगला उपाय असू शकतो.