Personal Finance: शिक्षण आणि लग्नासाठी 5 हजार गुंतवा, मिळतील 50 लाख रुपये!

जर रुक्मिणी दरमहा 5000 रुपये गुंतवत असेल, तर ती तिच्या मुलीच्या शिक्षणासाठी आणि लग्नासाठी किती पैसे वाचवू शकेल? याचं गणित कसं जुळवून आणायचं? शिक्षण आणि लग्नासाठी आपल्याला वेगळी गुंतवणूक करावी लागेल का? दोघांसाठी गुंतवणुकीची वेळ काय असेल? जर कधीतरी गरज भासली तर या निधीतून काही अंशी रक्कम काढू शकेन का? दरम्यानच्या काळात गरजेनुसार या निधीतून पैसे काढणे योग्य राहील का? या सगळ्या प्रश्नांची उत्तरे तुम्हाला पुढे नक्कीच मिळतील.

हे ही वाचा>> Personal Finance: 'ही' आहे प्रचंड भन्नाट सरकारी योजना, FD पेक्षा मिळेल दुप्पट पैसा

तुमच्या मुलीच्या उज्ज्वल भविष्यासाठी अशी गुंतवणूक करा

सुकन्या समृद्धी योजना (SSY)

• ही भारत सरकारद्वारे फक्त मुलींसाठी चालवली जाणारी बचत योजना आहे.
• सध्या या योजनेवर सुमारे 8% वार्षिक व्याज मिळत आहे. (व्याजदर वेळोवेळी बदलू शकतात).
• गुंतवणूक कालावधी: मुलीचे वय 21 वर्षे किंवा लग्नापर्यंत, जे आधी असेल ते.
• कर लाभ: गुंतवणूक, व्याज आणि मॅच्युरिटी रक्कम सर्व करमुक्त आहेत.
• सुकन्या समृद्धी योजनेत किमान वार्षिक गुंतवणूक 250 रुपये आणि कमाल 1,50,000 रुपये आहे.

सार्वजनिक भविष्य निर्वाह निधी (PPF)

• ही एक दीर्घकालीन गुंतवणूक आहे, जी सुमारे 7-8% वार्षिक व्याज देत आहे.
• लॉक-इन कालावधी: 15 वर्षे (प्रत्येकी 5 वर्षांसाठी वाढवता येते).
• कर लाभ: हे EEE श्रेणी अंतर्गत येते (गुंतवणूक, व्याज आणि मॅच्युरिटी सर्व करमुक्त आहेत).
• PPF मध्ये वार्षिक किमान गुंतवणूक 500 रुपये आणि कमाल 1,50,000 रुपये असू शकते.

म्युच्युअल फंड (SIP)

• मुलीच्या शिक्षणासाठी आणि लग्नासाठी (SIP) (सिस्टीमॅटिक इन्व्हेस्टमेंट प्लॅन) चांगला परतावा देऊ शकते.
• सरासरी वार्षिक परतावा: 10-12% (दीर्घकालीन).
• कर लाभ: जर तुम्ही ELSS निवडले तर ते 80C अंतर्गत कर सूट देते. अन्यथा, दीर्घकालीन भांडवली नफ्यावर कर भरावा लागेल.
• यामध्ये कमाल गुंतवणुकीची मर्यादा नाही. किमान गुंतवणूक 500 रुपये आहे.

हे ही वाचा>> Personal Finance: तुमचे पैसे दुप्पट करायचेत? पोस्टाची 'ही' योजना आहे जबरदस्त

बाल योजना किंवा ULIP

• हे मुलीचे शिक्षण आणि लग्न यासारख्या विशेष कारणांसाठी डिझाइन केलेले आहे.
• गुंतवणूकदाराला विमा संरक्षण आणि बाजार आधारित परतावा मिळतो.
• कर लाभ: 80C अंतर्गत.
• यामध्ये कमाल गुंतवणुकीची मर्यादा नाही. किमान गुंतवणूक 500 रुपये आहे.

कॅलक्युलेशन आणि निकाल

समजा रुक्मिणी या योजनांमध्ये दरमहा ₹5000 गुंतवते.

• सुकन्या समृद्धी योजना (व्याजदर 8% वार्षिक)
• गुंतवणूक कालावधी: 21 वर्षे (मुलीचे वय 2 ते 23 वर्षे).
• अंतिम रक्कम: ₹27,71,031 (अंदाजे).

म्युच्युअल फंड (SIP) : सरासरी परतावा 12%

• गुंतवणूक कालावधी: 21 वर्षे.
• अंतिम रक्कम: ₹38,27,196 (अंदाजे).

सार्वजनिक भविष्य निर्वाह निधी (व्याजदर 7.5%)

• गुंतवणूक कालावधी: 18 वर्षे.
• अंतिम रक्कम: ₹19,90,000 (अंदाजे).

सूचना

जर आपण पाहिले तर, SIP मधून सर्वाधिक परतावा मिळत आहे. रुक्मिणी जर Personal Finance बाबतीत शिस्तबद्ध असेल तर तिने SIP द्वारे एक मोठा निधी उभारला पाहिजे. तथापि, एसआयपीमध्ये गुंतवणूक करणं यात थोडी जोखीम आहे. यावर गॅरंटीड रिटर्नचा दावा करता येणार नाही. असेही होऊ शकते की जेव्हा मुलीचे लग्न होईलं तेव्हा बाजार पडलेला असेल आणि रक्कम कमी होऊ शकते. तथापि, हे घडण्याची शक्यता खूपच कमी आहे. 

आता प्रश्न असा आहे की  ULIP का नाही? ULIP (युनिट लिंक्ड इन्शुरन्स प्लॅन) ही योजना विमा आणि गुंतवणूक या अशी दोन्ही एकत्रित आहे. यामध्ये, एक भाग जीवन विम्याच्या स्वरूपात संरक्षित केला जातो आणि दुसरा भाग शेअर बाजारात (इक्विटी, कर्ज, हायब्रिड फंड) यामध्ये गुंतवला जातो. SIP, PPF आणि SSY पेक्षा त्याचे शुल्क जास्त आहे. तसेच परतावा कमी मिळण्याची शक्यता देखील आहे. इक्विटी आधारित ULIPमध्ये बाजारातील जोखीम कायम राहते.

अशा परिस्थितीत, रुक्मिणीने पैसे सुरक्षित गुंतवणूक (SSY) आणि जोखीम (SIP) मध्ये विभागले पाहिजेत. रुक्मिणीने मासिक 5000 रुपयांच्या गुंतवणुकीपैकी 3000 रुपये SIP मध्ये आणि 2000 रुपये SSY गुंतवल्यास तिचे पैसे सुरक्षित राहतील आणि एसआयपीमध्ये गुंतवणूक केल्यानंतर मिळालेला निधी मुलीच्या शिक्षणासाठी वापरता येईल. 

SSY मध्ये दरमहा 3000 रुपये आणि SIP मध्ये 2000 रुपये गुंतवा

• 23 वर्षांच्या वयाच्या मुलीसाठी 16 लाख 62 हजार रुपयांपेक्षा जास्त रक्कम जमा होईल
• SIP मध्ये दरमहा 2000 रुपये गुंतवल्यास, मुलगी 23 वर्षांची झाल्यावर तिला 44,19,172 रुपये मिळतील.

यामध्ये, SIP चे पैसे शिक्षणासाठी आणि SSY चे पैसे लग्नाच्या खर्चासाठी वापरता येतात. पालकांना त्यांच्या वयानुसार गुंतवणुकीची ही विभागणी पाहता येईल. पालकांचे वय जितके लहान असेल तितके जास्त जोखीम घेऊन तुम्ही एसआयपीमध्ये जास्त आणि सुकन्यामध्ये कमी पैसे ठेवून घेऊ शकता. 

जर तुमचे वय जास्त असेल तर तुम्ही 70% रक्कम सुरक्षित गुंतवणूक सुकन्यामध्ये आणि 30% रक्कम एसआयपीमध्ये गुंतवू शकता. जर रुक्मिणीला हवं असल्यास ती तिच्या मासिक गुंतवणुकीपैकी 50-50 टक्के रक्कम SIP आणि SSY मध्ये गुंतवू शकते. मुलगी 23 वर्षांची होईपर्यंत, तिला SSY मधून 14 लाख रुपये आणि SIP मधून 37 लाख रुपये, म्हणजेच 50 लाख रुपयांपेक्षा जास्त मिळतील.