Javier Milei : राष्ट्राध्यक्षांचा गर्लफ्रेंडसोबत स्टेजवरच LipLock, व्हिडीओ व्हायरल

अर्जेंटिनाचे नवे राष्ट्राध्यक्ष जेव्हियर मायली मार देल प्लाटाच्या रॉक्सी थिएटरमध्ये रात्री 9.40 वाजताच्या दरम्यान दाखल झाले होते. या थिएटरमध्ये आयोजित कॉन्सर्टसाठी त्यांनी त्यांच्या स्वत:च्या पैशाने तिकीट घेतले होते. कॉन्सर्टमध्ये मायलीची 53 वर्षीय गर्लफ्रेंड फातिमा फ्लोरेजचा परफॉर्मन्स होता.हा परफॉर्मन्स पाहण्यासाठी जेव्हियर मायली आले होते.

हे ही वाचा : Shivsena : ठाकरेंच्या शिवसेना कार्यालयावर बुलडोझर, सांगलीत दोन गटात जबरदस्त राडा

थिएटरमध्ये कलाकारांनी परफॉर्मन्स दिल्यानंतर जेव्हियर मायली यांनी स्टेजवर येऊन भाषण दिले. यावेळी स्टेजवर मायली यांची गर्लफ्रेंड गोल्डन रंगाचा ड्रेस परिधान करून उपस्थित होती. भाषण संपल्यानतर गर्लफ्रेंड फातिमा फ्लोरेज त्यांच्या जवळ आली, यावेळी त्यांनी तिला जवळ घेऊन किस केला होता. या संपूर्ण घटनेचा व्हिडिओ आता सोशल मीडियावर व्हायरल होत आहे. या व्हिडिओतील राष्ट्राध्यक्षांच्या कृतीवर अनेकांनी आक्षेप घेतला आहे.

जेव्हियर मायली यांच्या या कृतीवर आता सर्वस्तरावरून टीका होते आहे.सार्वजनिक पदावर बसलेल्या व्यक्तीने सर्वांसमोर अशी कृती करणे चुकीचे असल्याचे एका युझरने म्हटले आहे. दुसऱ्या युझरने मायली यांच्या या कृतीचे समर्थन केले आहे. राष्ट्राध्यक्ष जेव्हियर मायली यांनी गर्लफ्रेंड फातिमा फ्लोरेजला लाईव्ह कॉन्सर्ट दरम्यान भावूक होऊन किस केल्याचे त्याने म्हटले आहे. दरम्यान ही घटना पहिल्यांदा घडली नाही आहे. याआधी देखील दोघांनी सार्वजनिक ठिकाणी किस केले होते. नोव्हेंबर महिन्यात त्यांनी मतदानानंतरही एकमेकांना किस केले होते.

हे ही वाचा : Jitendra Awhad : “शरद पवार हे पाण्यात रडणारा मासा, भुजबळ सुपारी घेतलेला पोपट”

स्थानिक न्युज एजेन्सीने दिलेल्या माहितीनुसार, मायली थिएटरमध्ये त्याची बहिण करीना आणि सुरक्षारक्षकासह आला होता. यावेळी मायली यांची फातिमाशी पहिली भेट एका टॉक शो दरम्यान घडली होती. हे जोडपं गेल्या 2022 पासून एकत्र आहेत. या भेटीनंतर फातिमाने तिच्या नवऱ्याला सोडचिठ्ठी देत मायली यांना डेट करायला सुरूवात केली होती. सध्या या जोडप्याची संपूर्ण अर्जेंटिनात चर्चा रंगली आहे.