Ratan tata Net worth : कोट्यवधींची संपत्ती मागे सोडून गेले रतन टाटा, किती होतं नेटवर्थ?

संपत्ती किती? 

रतन टाटा सहा खंडांतील 100 हून अधिक देशांमध्ये टाटाद्वारे चालवल्या जाणाऱ्या 30 हून अधिक कंपन्यांचे नियंत्रण केले. त्यामुळे 2022 च्या हुरुन इंडिया रिच लिस्टनुसार, रतन टाटा यांची एकूण संपत्ती 3,800 कोटी रुपये होती. या संपत्तीमुळे त्यावेळी ते जगातील 421 व्या क्रमांकाचे सर्वात श्रीमंत व्यक्ती बनले होते.  रतन टाटा यांच्या नेतृत्वाखाली टाटा समूहाने लक्षणीय प्रगती केली. 1991 ते 2012 या दोन दशकांहून अधिक काळ ते टाटा सन्स समूहाचे अध्यक्ष होते. सेवानिवृत्तीनंतरही ते टाटा ट्रस्टच्या माध्यमातून सक्रिय होते. 

हे ही वाचा : Ratan Tata Death: उद्योगपती रतन टाटा गेल्याने जगभरात शोककळा, राजकीय नेत्यांकडून हळहळ!

पगार किती होता? 

मीडिया रिपोर्ट्सनुसार, माजी चेअरमन म्हणून रतन टाटा दरवर्षी 2.5 कोटी रुपये पगार घेत होते. त्यांच्या उत्पन्नात टाटा सन्समधील त्यांच्या छोट्या वैयक्तिक स्टेकमधून लाभांशाचाही समावेश होता. तथापि, त्याच्या उत्पन्नातील बहुतेक भाग त्याच्या धर्मादाय उपक्रमांवर आणि स्टार्टअप्समधील गुंतवणुकीवर खर्च व्हायचा. यामध्ये पेटीएम आणि ओलाचा समावेश आहे. 

टाटा समूहाच्या अध्यक्षांनी त्यांची मालमत्ता टाटा ट्रस्टला दिली आहे. टाटा सन्समध्ये ट्रस्टचा दोन तृतीयांश हिस्सा आहे. टाटा सन्सकडून मिळालेल्या लाभांशांपैकी सुमारे 60% सेवाभावी कारणांसाठी वाटप केले जातात. रतन टाटा यांच्या नेतृत्वाखाली टाटा ट्रस्टने आसाम, झारखंड, आंध्र प्रदेश आणि कर्नाटकमध्ये 10 कॅन्सर केअर सुविधा विकसित आणि प्रोत्साहन दिले. या सुविधा गरीब लोकांना जागतिक दर्जाचे उपचार उपलब्ध करून देतात.