मेहुणीमुळे लग्नात झाला राडा! नवऱ्याला धू-धू धुतला, भरमंडपात नेमकं घडलं तरी काय?

रिझवानने मेहुणीला दिले होते 2100 रुपये

बिजनौरच्या कस्बामध्ये ही खळबळजनक घटना घडली. येथील बँकेट हॉलमध्ये नजीबाबाद मोहल्ला हर्षवाडा येथे राहणारा रिझवान वरात घेऊन आला होता. वरात पोहोचल्यावर नवरीच्या कुटुंबियांनी पाहुण्यांचं भव्य स्वागत केलं. लग्नाचे फेरेही घेण्यात आले. त्यानंतर मेहुणीने तिचे भाऊजी रिझवानचे बूट चोरून पैशांची मागणी केली. 

हे ही वाचा >> काय सांगता! 8 लाख लाडक्या बहिणींना 1500 नव्हे, 500 रुपये मिळणार, यादीत तुमचं नाव आहे का?

रिझवानने बूट परत मागितल्यानंतर मेहुणीने सांगितलं की, 15 हजार रुपये दिल्यावरच बूट परत मिळतील. त्यानंतर रिझवानने 15 हजार रुपयांऐवजी 2100 रुपये त्याच्या मेहुणीला दिले. परंतु, 2100 रुपये घेण्यास मेहुणीने नकार दिला. याचदरम्यान, नवरीच्या मोठ्या बहिणीचंही लग्न सुरु होतं. त्या लग्नात मोठ्या भाऊजींकडून मेहुणीला 15000 रुपये मिळाले होते. अशातच मेहुणीने तिचे छोटे भाऊजी रिजवानकडेही 15 हजार रुपयांची मागणी केली.

हे ही वाचा >> कामाची बातमी: तात्काळ तिकीट बुक करण्याचे रामबाण उपाय, चुटकीसरशी बुक होईल तुमचं तिकीट

पण त्याने फक्त 2100 रुपयेच दिल्याने लग्नात राडा झाला. नवरा-नवरीच्या कुटुंबियांमध्ये जोरदार भांडण झाल्याने नवरा प्रचंड संतापला. त्यानंतर दोन्ही कुटुंबाता हाणामारी झाली आणि लग्नही मोडलं. हे धक्कादायक प्रकरण थेट पोलीस स्टेशनमध्ये पोहोचलं. त्यानंतर पोलिसांनी दोन्ही कुटुंबियांना समज देण्याचा प्रयत्न केला. पण नवरा नवरीला वरातीत सामील न करताच घरी निघून गेला.