बिल्डिंगच्या तिसऱ्या मजल्यावरील घरात घोडा, सोसायटीत तुफान राडा

पोलंडमध्ये ही घटना घडली आहे. पोलंडच्या 19 वर्षीय तरूणाने एका घोड्याला आपल्या इमारतीच्या तिसऱ्या मजल्यावर नेऊन घरात डांबून ठेवले होते. सोसायटीतील रहिवाशांना ही घटना कळताच त्यांनी या घटनेला जोरदार विरोध केला होता. त्यामुळे सोसायटीत एकच गदारोळ झाला होता.

हे ही वाचा : Lok Sabha : मविआच्या बैठकीनंतर राऊतांनी दिली सर्वात मोठी बातमी

या घटनेनंतर इमारतीतील एका व्यक्तीने याबाबतची तक्रार पोलिसांना दिली होती. मात्र पोलिसांना सुरूवातीला या तक्रारीवर विश्वासच बसला नाही. त्यांना वाटलं कुणीतरी मस्करी केली असेल. मात्र तरी देखील या घटनेची माहिती मिळवण्यासाठी काही पोलीस घटनास्थळी दाखल झाले होते. यावेळी घटनास्थळावरील दृष्य पाहून त्यांना धक्काच बसला. 

पोलीस ज्यावेळेस घटनास्थळी पोहोचले त्यावेळेस एक तरूण घोड्याला इमारतीच्या तिसऱ्या मजल्यावर घेऊन जात होता. तरूणाच्या या कृतीला सोसायटीतील रहिवाशांनी जोरदार विरोध केला होता. 
 
पोलिसांनी दिलेल्या माहितीनुसार, या तरूणाने घोड्याला चोरून आणले होते. आणि या घोड्याला लपवण्यााठी तो इमारतीच्या तिसऱ्या मजल्यावर असलेल्या आपल्या घरात नेणार होता. पण तो या घोड्याला घरात कसा ठेवणार होता? असा पोलिसांना प्रश्न पडला होता. 

हे ही वाचा : विधानसभेत SIT ची घोषणा होताच जरांगेंची तात्काळ दिलगिरी?

दरम्यान पोलिसांनी या घटनेची चौकशी केल्यानंतर त्या तरूणाला आणि चोरी झालेल्या घोड्याला ताब्यात घेतले होते. या घोड्याची किंमत 38 हजार डॉलर म्हणजेच 3 लाख रूपये होती. पोलिसांनी या घोड्याला सुरक्षितपणे आता त्याच्या मालकाच्या स्वाधिन केले आहे. तसेच तरूणाला अटक केली आहे. आता या तरूणाला कोर्टात हजर करण्यात आल्यानंतर त्याला 5 वर्षाची शिक्षा सुनावण्यात आली आहे. या घटनेचा तपास सूरू आहे.