प्रेमासाठी मुलीच्या तोंडातच पिस्तूल घातली, तरुणाच्या कृत्याने पोलिसही हादरले

थोडक्यात जीव वाचला

बिहारच्या पटेलनगरमधील विद्यापीठात शिकणाऱ्या मुलीची हत्या करण्यासाठी एका तरुणाने पिस्तुलाची नळी तोंडात टाकून ट्रिगर दाबण्याचा प्रयत्न केला. मात्र पिस्तूलमधून गोळीबार होऊ न शकल्यामुळे तिचा जीव वाचला आहे. त्यानंतर घटनास्थळी असलेल्या दुकानदारांनी त्याच्याकडील पिस्तूल काढून मुलीला वाचवण्यात आले.

हे ही वाचा >> Datta Dalvi : थेट शिंदेंनाच ललकारलं, कोण आहेत बाळासाहेबांचे कडवट शिवसैनिक दत्ता दळवी?

केस ओढून रस्त्यावर पाडले

तरुणाच्या या कृत्यामुळे जमा झालेल्या नागरिकांनी त्याला बेदम मारहाण केली आहे. त्यानंतर पोलिसांनी घटनास्थळी धाव घेत त्याला अटक केली आहे. त्याच्याकडील पिस्तूलही जप्त करण्यात आले आहे. ही घटना सायंकाळी सहा वाजण्याच्या सुमारास घडली. सहारनपूर रोडवरील गुलाटी स्वीट शॉपसमोर बॉबी किचनजवळ एक मुलगी रेस्टॉरंटच्या बाहेर स्टूलवर बसली होती. त्यावेळी तिला मारण्यासाठी तरुणाने हे भयंकर कृत्य केले होते.

तीन वेळा दाबला ट्रिगर

दुकानामध्ये साहित्य घेऊन आपल्या दुचाकीवरून निघून जातानाच प्रेमात वेड्या झालेल्या तरुणाने तिला अडवले. त्यावेळी तिला त्याने मारहाण करत त्याने तिचे केस ओढून तिला रस्त्यावरही पाडण्यात आले. त्यानंतर तिच्या अंगावर बसून पिस्तुलाची नळी त्याने तिच्या तोंडात कोंबलीय. त्यावेळी त्याने तीन वेळा पिस्तुलाचा ट्रिगर दाबला होता. मात्र गोळी निघाली नसल्याने तिला काहीही झाले नाही.

शुद्धीत आल्यानंतर अटक

हा घटना घडत असताना नागरिकांनाही धक्का बसला. मात्र काही नागरिकांनी पुढाकार घेऊन त्याच्या हातातील पिस्तूल काढून घेऊन त्याला बेदम मारहाण करण्यात आली. त्या मारहाणीमुळे तो बेशुद्धही पडला होता. त्या अवस्थेत त्याला रुग्णालयात दाखल करण्यात आले. दुसऱ्या दिवशी त्याला शुद्ध आल्यानंतर पोलिसांनी त्याला अटक केली आहे.