Salil Ankola : भारताच्या माजी क्रिकेटपटूच्या आईचा रक्ताच्या थारोळ्यात सापडला मृतदेह, पुण्यात काय घडलं?

Salil Ankola Mother Dead : क्रिकेटचा देव सचिन तेंडूलकरसोबत डेब्यु करणाऱ्या भारतीय संघाच्या माजी क्रिकेटपटू सलील अंकोला यांच्या आईचा संशयास्पदरीत्या मृत्यू झाल्याची घटना घडली आहे. माला अशोक अंकोला (वय 77) असे मृत महिलेचे नाव आहे. रक्ताच्या थारोळ्यात बंद खोलीत त्यांचा मृतदेह आढळला आहे. त्यामुळे ही आत्महत्या आहे की हत्या आहे? असा प्रश्न पोलिसांना पडला आहे. या प्रकरणाचा अधिकचा तपास पोलीस करतायत. (former cricketer salil ankola mother found dead in pune house police investigate shocking crime story)
 
 पुण्याच्या प्रभात रोडवरील आदी नावाच्या सोसायटीत सलील अंकोला यांच्या आई माला या त्यांच्या लेकीसोबत राहत होत्या. लेक कामावर गेल्यावर त्या नेहमी घरी एकट्या असायच्या. दरम्यान आज पोलिसांनी दिलेल्या माहितीनुसार, नेहमीप्रमाणे कामवाली बाई त्यांच्या घरी घर कामासाठी आली होती. तिने घराचा दरवाजा ठोठावला असता आतून काहीच प्रतिक्रियाा आली नाही. त्यानंतर कामवाली बाईने वॉचमनला बोलावून दरवाजा ठोठावण्यास सांगितले, मात्र घरातून काहीच प्रतिक्रिया आली नाही. त्यानंतर कामवाली बाईने महिलेच्या कुटुंबियांना या घटनेची माहिती दिली आणि पोलिसांना देखील बोलावून घेतले.