सारख्या तक्रारी, अभ्यासात लक्ष नाही… खोड्या करतो म्हणून बापाने पोटच्या लेकरालाच संपवलं!

मिळालेल्या माहितीनुसार, शाळेतून येणाऱ्या तक्रारी, मुलाचं अभ्यासाकडे दुर्लक्ष, त्याचा खोडसाळपणा याला आरोपी वडील वैतागला होता. तो मुलावर नाराजही होता. मुलाच्या या सवयींना कंटाळून आरोपी वडिलाने आपल्याच पोटच्या लेकराची हत्या केली.

वाचा : Rajya Sabha Election 2024 : ठाकरेंच्या आमदारांना शिंदेंचा व्हीप पाळावा लागणार?

काय आहे संपूर्ण घटना?

सोलापूर-तुळजापूर महामार्गाच्या सर्व्हिस रोडच्या नाल्याजवळ एका छोट्या मुलाचा मृतदेह पडलेला आढळून आला. याबाबतची माहिती मिळताच जोडबावी पेठ पोलिसांनी घटनास्थळ गाठून मुलाला तात्काळ सिव्हिल हॉस्पिटलमध्ये उपचारासाठी पाठवले. मात्र तेथे उपचारापूर्वीच डॉक्टरांनी त्याला मृत घोषित केले. तपासावेळी पोलिसांनी मुलाची ओळख पटवली आणि तो भवानी पेठ, सोलापूर येथील रहिवासी असल्याचे समजले.

पोलिसांनी पुढील तपास सुरू केला असता, घटना घडली त्या रात्री मृत मुलगा घरातून निघून गेल्याचे समोर आले. 15 दिवसांपूर्वी ही घटना घडली होती मात्र अद्याप मुलाच्या मृत्यूचे कारण समोर आले नव्हते. यानंतर पोलिसांनी तात्काळ त्याच्या घरापासून ते मृतदेह सापडलेल्या ठिकाणापर्यंतचे सीसीटीव्ही फुटेज तपासले आणि त्याच्या मृत्यूला वडीलच जबाबदार असल्याचे स्पष्ट झाले. यानंतर पोलिसांनी विजयची कसून चौकशी केली असता त्याने गुन्ह्याची कबुली दिली.

वाचा : ‘मुंबईची साफसफाई करण्याचं काम ठाकरे सेनेनं…’, सोमय्यांचा राऊतांवर पलटवार

कोल्ड ड्रिंकमध्ये दिलं होतं सोडियम नायट्रेट

आरोपीने दिलेल्या माहितीनुसार, त्याचा मुलगा शाळेत, घरात अनेकदा शेजाऱ्यांच्या खोडी काढायचा. त्यामुळे लोक त्याच्याबद्दल तक्रारी घेऊन येत असत. याशिवाय त्याला अभ्यास करायची आवड नव्हती. तो सतत मोबाईल बघत राहायचा. यामुळे आरोपी या सर्वाला वैतागला त्याची तळ पायाची आग मस्तकात गेली आणि त्याने मुलाला संपवण्याचा निर्णय घेतला. आरोपी पित्याने संक्रांतीच्या दिवशी मुलाला मोटारसायकलवरून निर्जनस्थळी नेले.

वाचा : Kiran Mane : “…तर तू चार लाथा खायच्या”, पुष्करला चॅलेंज, मानेंची सणसणीत पोस्ट

तिथे त्याने कोल्ड ड्रिंकमध्ये सोडियम नायट्रेटची विषारी पावडर मिसळून मुलाला दिली. त्यामुळे मुलाचा मृत्यू झाला. या प्रकरणी सोलापुरातील जोडबावी पेठ पोलीस ठाण्यात भादंवि कलम 302 अन्वये गुन्हा दाखल करण्यात आला असून पुढील तपास सुरू आहे.