ठाण्यात सापडला बेपत्ता तरुणाचा मृतदेह, क्रूर पद्धतीने केली हत्या

मृतदेहाशेजारी दगड आणि कात्री

बेपत्ता युवकाच्या मृतदेह सापडल्यानंत पोलिसांनी सांगितले की, नागरिकांनी या घटनेची माहिती दिल्यानंतर पोलिसांनी घटनास्थळी धाव घेतली. त्यानंतर सापडलेला मृतदेह शवविच्छेदनासाठी पाठवण्यात आला. मृतदेहाची पाहणी करुन युवकाची हत्या झाल्याची शक्यता पोलिसांनी वर्तवली आहे. ज्या ठिकाणी मृतदेह सापडला होता, त्याठिकाणी एक दगड आणि कात्री सापडल्याचे पोलिसांनी सांगितले.

हे ही वाचा >> 2000 मुली, 6 मसाज पार्लर, अय्याशीत जगलेला सेक्स किंग, आता भोगतोय…

मामाला भेटायला गेला अन्…

पोलिसांनी या प्रकरणाची माहिती देताना सांगितले की, मृत तरुणाचे नाव आवेश शेख असून तो मुंब्र्यातील अमृतनगर परिसरात राहणारा होता. तो ज्युबली पार्क परिसरात राहणाऱ्या त्याच्या मामाला तो भेटायला जात होता. मात्र आवेश शेख हा 14 नोव्हेंबरपासून बेपत्ता होता. मृतदेह सापडल्यानंतर पोलिसांनी अज्ञातांविरोधात गुन्हा दाखल करुन तपासकार्याला सुरुवात केली आहे.

आरोपीपर्यंत पोहचण्याचे आव्हान

आवेश शेखचा मृतदेह छिन्न विच्छिन्न अवस्थेत सापडला असल्याने त्याची हत्या का करण्यात आली आहे त्याचा शोध पोलीस घेत आहेत. त्यासाठी आता वेगवेगळ्या मार्गाने या हत्येचा तपास केला जात असून आवेशच्या मोबाईलवरूनही आरोपीपर्यंत पोहचण्याचा प्रयत्न पोलीस करत आहेत.