Numerology : ‘या’ तारखेला जन्मलेले लोक होतात प्रचंड यशस्वी, खिशात नेहमी असतो पैसा! पण लग्न...

उदाहरणार्थ, जर तुमचा जन्म 23 तारखेला झाला असेल, तर 2+3 = 5 म्हणजे 5 हा तुमचा मूलांक क्रमांक 5 असेल. त्याचप्रमाणे, मूलांक क्रमांक मिळविण्यासाठी तुम्हाला जन्म तारीख, महिना आणि वर्ष जोडावे लागते. जर तुमचा जन्म 23/05/1998 रोजी झाला असेल तर तुमचा मूलांक क्रमांक शोधण्यासाठी, सर्व अंक एकत्र जोडून तुम्हाला 2+3+0+5+1+9+9+8 = 37 अशी संख्या मिळेल. पुढे 3+7 = 10 आणि 1+0 =1…. अशाप्रकारे एक आकडी क्रमांक हा तुमचा मूलांक असेल. 

ज्यांचा जन्म कोणत्याही महिन्याच्या 5, 14 किंवा 23 तारखेला झाला आहे, त्यांचा मूलांक 05 आहे. 5 मूलांक क्रमांकाचा स्वामी बुध आहे. ज्योतिषशास्त्रात बुध हा शाही ग्रह मानला जातो. त्यामुळे या शुभ तिथीचे लोकही राजेशाही असतात. मूलांक क्रमांक 05 असलेले लोक विचारांमध्ये दृढ, बुद्धिमान आणि जीवनात सक्रिय असतात. असे लोक नेहमी काही ना काही करत असतात. ते ऊर्जेचे उत्तम स्रोत असतात. या संख्येचे लोक निर्णय घेण्यात तज्ञ असतात. प्रकरण कितीही मोठे असले तरी ते त्यावर तातडीने निर्णय घेतात.

मूलांक 5 असलेले लोक बनू शकतात बिझनेसमन

मूलांक 5 असलेले लोक खूप कुशाग्र असतात. हे लोक व्यावहारिक विचाराचे असतात. त्यांच्याकडे उत्तम संवाद कौशल्य असतं. ते त्यांच्या बोलण्याने कोणालाही प्रभावित करू शकतात. त्यांची तर्कशक्तीही अप्रतिम असते. त्यांच्या कर्तृत्वामुळे ते नोकरीच्या क्षेत्रात चांगले काम करतात, पण त्यांनी व्यवसाय केला तर ते मोठे उद्योगपती होऊ शकतात. हे लोक खूप लवकर पैसे कमवू शकतात.

सहज हार मानत नाहीत

5व्या मूलांकाच्या लोकांचे एक वैशिष्ट्य म्हणजे ते परिस्थितीसमोर सहजासहजी हार मानत नाहीत. या लोकांमध्ये अशक्य गोष्टी शक्य करण्याची क्षमता असते. त्यांनी गणपती बाप्पाची नेहमी पूजा करावी.

जर आपण 5 व्या क्रमांकाच्या लोकांच्या वैयक्तिक जीवनाबद्दल बोललो तर त्यांचे कौटुंबिक संबंध सामान्य असतात. 1, 3, 4, 5, 7 आणि 9 क्रमांक असलेल्या लोकांशी त्यांचे चांगले संबंध असतात. अंकशास्त्रानुसार, मूलांक 5 असलेल्या लोकांचं दोनदा लग्न होऊ शकतं.