Ladki Bahin Yojana : 'त्या' महिलांना दुसऱ्या टप्प्यात मिळणार लाभ, बँकेत 4500 जमा होणार?

लाडकी बहीण योजनेच्या पहिल्या टप्प्यात अनेक महिलांचे अर्ज हे रिजेक्ट झाले होते. यामध्ये फोटो स्पष्ट नसणे, कागदपत्र न जोडणे, फॉर्म अर्धवट भरणे अशी अनेक कारणे होती. त्यामुळे अनेक महिलांचे अर्ज हे रिजेक्ट करण्यात आली होती.त्यामुळे अनेक महिलांना या योजनेचा लाभ मिळू शकला नव्हता. 

अर्ज रिजेक्ट झाल्यानंतर अनेक महिलांनी आपल्या अर्जात दुरूस्ती करून पुन्हा वेबसाईट किंवा अॅपवर सबमिट केला होता. त्यामुळे ज्या महिलांनी अर्ज दुसऱ्यांदा सबमिट केला आहे, आणि ज्यांना अर्ज मंजूर झाल्याचा मेसेज आला आहे. त्या महिलांच्या खात्यात आता दुसऱ्या टप्प्यात लाभ मिळणार आहे. जुलै, ऑगस्ट आणि सप्टेंबर असे एकत्रित मिळून 4500 रूपये महिलांच्या खात्यात जमा होण्याची शक्यता आहे. त्यामुळे महिलांना दिलासा मिळाला आहे. 

हे ही वाचा : Kavita Raut : ''जातीमुळे शासकीय नोकरीपासून वंचित ठेवलं'', आंतरराष्ट्रीय धावपटूचा सरकारवर गंभीर आरोप

अर्ज पडताळणीला सुरुवात 

तसेच  31 जुलै नंतर अर्ज केलेल्या महिलांच्या अर्जाची जिल्हास्तरावर पडताळणी सूरू आहे. जिल्हास्तरावर मान्यता प्राप्त अर्जाचा डेटा महिला व बाल विकास विभागाकडे येताच ती यादी बँककडे पाठवली जाणार आहेत.ही सगळी प्रक्रिया युद्ध पातळीवर सूरू असल्याची माहिती अदिती तटकरे यांनी एक्सवर दिली होती.

त्यामुळे आता महिलांच्या अर्जाची पडताळणी युद्धपातळीवर सूरू झाली आहे. या काळात महिलांना अर्ज मंजूर झाल्याचे मेसेज येणार आहेत. या मेसेजनंतर सप्टेंबर महिन्यात महिलांच्या खात्यात पैसे जमा होणार आहेत. त्यामुळे महिलांनी आपला अर्ज मंजूर होतोय का? याकडे लक्ष ठेवणे गरजेचे आहे. 

'या' तारखेला पैसे खात्यात येणार? 

मुख्यमंत्री माझी लाडकी बहीण योजनेत  1 ऑगस्टपासून जे अर्ज आले आहेत. त्याचा निधी 31 ऑगस्टपासून वितरीत होणार असल्याची माहिती महिला आणि बालविकास मंत्री आदिती तटकरे यांनी दिली आहे.  तसेच लाडकी बहीण योजनेच्या दुसऱ्या टप्प्यातील निधी वितरणाचा कार्यक्रम नागपूरमध्ये होणार आहे. या कार्यक्रमात ज्या महिलांनी 1 ऑगस्टपासून अर्ज केले आहेत त्याच महिलांना पैसे मिळणार आहे. तसेच दुसऱ्या टप्प्यात 45 ते 50 लाख महिलांना पैसे मिळणार असल्याची माहिती आदिती तटकरे यांनी दिली आहे.